Popular Bible Verses from Mathayo 27

Share

kendo kar sa ochikono Yesu nokok matek niya, “Eli, Eli, lama sabakthani?” tiende ni, “Nyasacha, Nyasacha, iweya nang’o?”

Gikanyono nanga mane ogeng’o Kama Ler mar Hekalu noriedore diere ariyo, chakre malo nyaka piny. Piny noyiengni, kendo lwendni nobarore. Liete bende noyawore, kendo jo Nyasaye mang’eny mane osetho nochier.

To Yesu nochako okok matek, eka noweyo chunye owuok, motho.

Kane jaduong’ lweny kod joma ne konye rito Yesu oneno kaka piny yiengni, kendo kaka gik moko timore, ne gibedo maluor ahinya, mi giwacho niya, “Adier, ng’atni ne en Wuod Nyasaye!”

Piny duto notimo mudho, chakre sa auchiel nyaka sa ochiko

Eka Pilato nopenjogi ni, “To ka kamano, to atim ang’o gi Yesu miluongo ni Mesia?” Giduto ne gidwoke niya, “Gure e msalaba!” To nochako openjogi ni, “Ere gima rach mosetimo, momiyo onego ogure?” To ne gimedo kok moloyo, ka giwacho ni, “Gure!”