Popular Bible Verses from Isaya 55

Share

Ruoth Nyasaye wacho niya, “Parou ok e parona, bende yoreu ok e yorena

nimar kaka polo bor moyombo piny, e kaka yorena bende boyo moyombo mau, kendo e kaka parona bende boyo moyombo parou.

Dwaruru Ruoth Nyasaye kapod kinde nitie minyalo yudego. Adier, ywagneuru ka pod en machiegni.

Joma timbegi mono mondo owe timbegi maricho kod paro mochido. Onego giduog ir Ruoth Nyasaye mondo okechgi. Adier, onego giduogi ir Nyasachwa, nimar nong’wonnigi richogi duto.

Winjuru! Un duto, ma riyo oloyo! Biuru mondo umodhi. Un joma onge gi chiemo, biuru ung’iew chiemo ucham. Ee, biuru ukaw akawa divai gi chak nono, ma ok uchulo gimoro.

Bende kaka koth chue, kendo pe lwar, koa e polo, mi ok chak dog malo kendo, to miyo mana piny ng’ich, mondo cham otwi, mi thiew kendo nyagi, mi kodhi ma ichwoyo kod cham, bedie, e kaka wach mawuok e dhoga nochal, ok noduog ira ka pok otiyo tije, to enotim gima ne ochano, mi ochop ote mane aoree.

Adier, unuwuog Babulon gi mor kod kue, kendo kuonde mukadhoe, gode madongo gi matindo nogo mahu gi mor. Yien duto mae thim bende nopam lwetgi.

Biuru ira mondo uchik itu ni gima awacho. Adier, winjuru wachna mondo ubed mangima. Eka abiro timo kodu singruok mochwere, ka asingora ni abiro herou gi chunya duto, kaka ne ahero Daudi.