Popular Bible Verses from 羅馬書 3

Share

因為世間人全部犯了罪，虧欠上帝个榮光。 這下，上帝白白施恩，通過基督耶穌來救贖佢等，使佢等同佢有正確个關係。

上帝使人同佢有正確个關係，係因為佢等信耶穌基督 。無論係麼人，只有信基督，上帝正會恁樣對待佢等：

上帝犧牲耶穌做贖罪祭，通過佢流血來死，使人因為信佢來得到赦罪。上帝恁樣做係愛顯明佢个公義。 先前，因為佢个忍耐，佢寬容人个罪；總係這下，佢取消人个罪來顯明佢个公義。恁樣，上帝顯明佢自家係公義个，也稱一切信耶穌个人係義人。

因為無人能靠行法律來被上帝定做義；法律个目的係愛使人知自家有罪。

像聖經所講： 無義人， 連一個乜無。 無聰明人， 也無尋上帝个人。 人人離開上帝， 全部行毋著路； 無行善个， 連一個乜無。

𠊎等个結論係：人同上帝有正確个關係只有通過信，毋係通過遵行法律。

當然毋會！就算人人攏總變做花撩，上帝還係真實个；就像聖經所講： 你講話个時，無包好捉， 被人告个時，定著會贏。