Popular Bible Verses from 腓立比書 2

Share

毋好自私自利抑係自高自大，反轉愛彼此謙卑，看別人比自家較高明。 毋好單淨顧自家，也愛關心別人个事。

你等愛用基督耶穌个心做學習个模範：

佢本來就有上帝个本質， 總係毋識濫用 佢同上帝共樣个特權。 顛倒， 佢自願放掉一切， 取奴僕个本質。 佢成做人， 用人个形體出現。 佢自家甘願卑微， 順服到死， 又死在十字架頂。

因為係上帝常常在你等心肝肚運行，使你等又甘願又能實行佢美善个旨意。

所以， 上帝使佢高升到至高， 賜給佢該超過萬名个名； 使天頂、地上㧯地底下个眾生， 一聽到耶穌个名， 全部就跪落去， 眾口告白講： 「耶穌基督係主！」 歸榮光給阿爸上帝。

你等無論做麼介，毋好埋怨抑係爭論， 好使你等成做純潔誠實个人，在這腐敗、罪惡个世代中，做上帝無缺點个子女。你等愛在世間人當中發光，像星仔照光天頂，

所以，親愛个朋友，𠊎同你等共下个時，你等常常聽從𠊎；這下𠊎無在你等該位，你等還較愛聽𠊎个話。你等愛驚驚轆轆，一直打拚來完成你等自家个得救；