Popular Bible Verses from 腓立比書 1

Share

𠊎深信，在你等中間使這恁靚个工作開始个上帝，一定會使這個工作繼續下去，直到基督耶穌再來該日得到完成。

𠊎所祈禱个就係你等个愛心會一直同真个智識㧯判斷个能力共下長進， 使你等有法度選到該最好个。恁樣，你等會做純潔無好嫌个人，直到基督再來該日。

因為對𠊎來講，𠊎生係為到基督，死就有大福氣！

逐擺想到你等，𠊎就感謝𠊎个上帝，

最重要个，你等个生活愛合基督个福音所要求个。恁樣，無論𠊎係親身去看你等，抑係對別人聽講你等个情形，𠊎會知你等有共同个目標，企到在在，同心協力為福音个信仰來打拚。

𠊎迫切渴慕㧯盼望个就係：𠊎毋會虧負𠊎个責任，反轉時時刻刻，特別係這下，會有罅額个勇氣，無論生死，用𠊎歸個人來榮光基督。

你等已經得到特別个恩典來事奉基督，毋單淨愛信佢，也愛為佢受苦。