Popular Bible Verses from 希伯來書 4

Share

上帝个話係有生命、有效力个。它比兩邊利个劍還較利；連靈㧯魂，關節㧯骨髓，攏總刺得入。它能判斷人心中个思想㧯念頭。

所以，𠊎等應該大膽來到上帝施恩个寶座前，好領受慈愛㧯恩典，做𠊎等及時个幫助。

𠊎等个大祭司毋係毋會同情𠊎等个軟弱；顛倒，𠊎等个大祭司經歷過𠊎等所堵到各方面个試探，總係佢無犯罪。

受造个萬物無一樣有可能囥等毋給上帝知；在佢眼中，一切事情攏總係清清楚楚个。有一日，𠊎等愛對佢交帳。

恁樣，𠊎等應該堅持𠊎等所告白个信仰。因為𠊎等有一個偉大个大祭司，就係上帝个孻仔耶穌；佢已經升到上帝个面前。

所以，𠊎等應該盡力打拚來進入這種个安息，免得有人像該兜毋服從个人恁樣跌倒。