Popular Bible Verses from 希伯來書 12

Share

既然𠊎等有恁多見證人，像雲圍等𠊎等，就應該放掉各種个重擔㧯纏等𠊎等个罪，忍耐到底來走擺在𠊎等頭前个路程。 𠊎等愛注目看耶穌，因為佢係𠊎等信心个開創者㧯完成者。為到擺在佢頭前个喜樂，佢看輕侮辱，忍受十字架个痛苦；這下，佢坐在上帝寶座个右片。

人受管教个時，一定會傷心，毋爽快；總係後來，該兜對管教來受操練个人就會結平安个果子，過正直个生活。

你等愛盡力㧯眾人和好，也愛追求聖潔；無聖潔，無一個人能見到主。

你等愛好好想看仔，佢係樣般忍受罪人个怨恨；恁樣，你等正毋會冷心失志。

恁樣，既然𠊎等承受該毋會搖動个國，𠊎等就應該感恩。𠊎等愛照上帝所歡喜个，用虔誠敬畏个心來事奉佢，

你等愛忍受苦難像係阿爸个管教，因為這係表示上帝對待你等像子女一樣。敢有毋使受厥爸管教个子女嗎？

因為𠊎等个上帝係烈火。

肉身个阿爸照自家看做著个，暫時管教𠊎等；總係，上帝个管教係為到𠊎等个利益，愛使𠊎等有份佢个聖潔。

你等同罪惡戰鬥，還吂拚到生死个關頭。