Popular Bible Verses from 希伯來書 11

Share

信心就係對所盼望个事有把扼，對看毋到个事能確定。 古時代个人得到上帝个褒獎，就係因為佢等有信心。

人無信心，就毋會得到上帝个歡喜。到上帝面前來个人，一定愛信上帝个存在，還愛信佢會報賞尋求佢个人。

因為信心，𠊎等知宇宙係通過上帝个話造成个；恁樣，看得到个係對看毋到个造出來个。

因為信心， 亞伯拉罕 順服上帝个呼召，去上帝應許愛賜給佢个所在。佢離開本國个時，並毋知愛去㖠位。 通過信心，佢住在上帝所應許个所在，異鄉做旅客；佢㧯領受上帝共樣應許个 以撒 㧯 雅各 共下住在帳篷肚。

因為信心， 挪亞 在還吂看到个事情上，聽上帝个警告，存敬畏个心，造一隻大船，來救佢㧯佢全家。對恁樣，佢定該世代个罪，自家也對上帝領受因信所得个義。

因為信心， 以諾 毋使經歷死。佢受接到上帝該位去；無人尋得到佢，因為上帝將佢接走。聖經講，佢受接以前，已經得到上帝个歡喜。

因為信心， 亞伯 獻比 該隱 較好个祭物給上帝。因為佢个信心，上帝褒獎佢，稱佢做義人，因為上帝歡喜接納佢个禮物。佢雖然死掉，還係通過這個信心講話。

因為信心，雖然 亞伯拉罕 已經老了， 莎拉 生育个年齡也已經過掉，佢還能做阿爸，因為佢 相信上帝會對佢个應許守信用。

因為 亞伯拉罕 盼望該座根基永遠企在个城，就係上帝所設計、所建造个城。

因為信心， 摩西 成人以後，毋肯人稱佢做 埃及 公主个孻仔。 佢甘願同上帝个子民共下受苦，無愛在罪惡中暫時享樂。 在佢看來，為到受膏者 被人侮辱，比 埃及 所有个財寶還較寶貴，因為佢看重將來个獎賞。 因為信心， 摩西 離開 埃及 ，毋驚 埃及 王發譴；佢堅持到底，一直向前，就像看到目珠所看毋到个上帝。

因為信心， 亞伯拉罕 在上帝考驗佢个時，將 以撒 獻做祭物。 亞伯拉罕 係領受應許个人，總係佢還係甘願將佢个單丁子獻做祭物。

因為信心，妓女 喇合 毋使同該兜毋服從上帝个人共下滅亡，因為姖好款待該兜探仔。

因為信心， 以色列 人行過 紅海 ，像行燥地； 埃及 人也想愛跈等過，就被水浸死。

因為信心， 以色列 人𫟧等 耶利哥 城行七日，然後城牆就橫掉。

因為信心，佢設立𨃟過節，並吩咐將血拂在門頂高，免得執行毀滅个天使殺害 以色列 人个長子。

因為信心， 約瑟 臨終个時，提起 以色列 族將來愛出 埃及 个事，並吩咐愛樣般處理佢个遺體。

因為信心， 雅各 臨終个時，為 約瑟 兩個孻仔祝福；佢拄等柺棍仔敬拜上帝。

因為信心， 以撒 為到將來个事情祝福 雅各 㧯 以掃 。