Popular Bible Verses from 哥林多前書 13

Share

有愛心就會有吞忍㧯慈悲；有愛心就毋會嫉妒，毋會誇口，毋會驕傲， 毋會做見笑个事，毋會自私，毋會隨便發譴，無記等別人个過失，

有愛心就會包容一切，凡事有信心，事事存希望，樣樣能忍耐。

毋歡喜不義，只有歡喜真理。

信心、希望、㧯愛心，這三樣係永遠存在个；其中最重要个係愛心。

愛心永遠存在。講道个才調係暫時个；屬靈个語言有一日會停止；智識也會無路用。

𠊎就係會講世間各種个話，甚至係天使个話，若係無愛心，𠊎个話就像吵人个銅鑼㧯響个鑇仔共樣。

𠊎就係有先知講道个才調，又會了解各種奧妙㧯智識，甚至有堅強个信心會移山倒海，若係無愛心，𠊎就毋算麼介。

𠊎就係將所有个財產拿來救濟人，甚至犧牲自家个身體被人燒 ，若係無愛心，𠊎所做个就無麼介利益。

𠊎做細人仔个時節，講話像細人仔，心思像細人仔，意念像細人仔；成人以後，𠊎就將細人仔个事㧒掉去。