Popular Bible Verses from 哥林多前書 12

Share

聖靈顯明在逐儕身上个方式雖然無共樣，總係目的係共樣，係愛使大家得到利益。

你等就係基督个身體，每一個人係身體个肢體。

一個肢體受苦，所有个肢體就相共受苦；一個肢體得光榮，所有个肢體就相共快樂。

聖靈賜這人智慧个信息；總係共一位聖靈賜另外一個人智識个信息。 共一位聖靈賜這個人信心，賜另外一個人醫病个能力； 共一位聖靈賜給這個人行神蹟个能力，給另外一個人傳上帝道理个恩賜；有人得到分別眾靈个能力；有人會講屬靈个語言；也有人會解釋屬靈个語言。

總係，這一切係共一位、獨一个聖靈所運行，照自家个旨意賜給逐儕个。

佢个目的係愛使身體毋會分裂，各肢體反轉會互相照顧。

恩賜有盡多種，總係賜恩賜个係共一位聖靈。 事奉有盡多種，總係所事奉个係共一位主。 工作有盡多種，總係在萬民中間使萬事運行个係共一位上帝。

在教會底背，上帝所安排个，第一係使徒，第二係先知，第三係教師；接下去係行神蹟个，有醫病恩賜个；還有幫助人个，管理事務个，並講屬靈語言个。

身體毋係只有一個肢體，還係有盡多肢體。

顛倒，身上該兜像係較軟弱个肢體，還較係做毋得缺少个。

若係歸身通體係目珠，愛樣般聽呢？若係歸身通體係耳公，愛樣般鼻呢？ 總係，上帝照自家个旨意，將該兜無共樣个肢體全部安在人个身上。 若係歸身个肢體全部共樣，樣般做得算做身體呢？