Popular Bible Verses from Takatwasane Izipiti 32

Share

Ku mapapangale ki swa Iseraylri sadrele ki Musi ka taikaiyane lregelrege kai kaingananganai mulebe, makitwa kela mucucubungu ki Arungu isarubu, si iya kai iniane, “Kai nai wathingale kwidra wasangiluku naiane katwase Izipiti ka Musi luka kiapadradresenge ki manemane; lakamani kwidra ala pasikaiya naiane tutwaumase lani kela sangiluku naiane!”

Ku TAMATAMA la iya kai ki Musi, “Lu kirimwa mulebe, asi lwiyane kikavai patwalaisu Izipiti sangiluku ka mapapangale pasalrisalriwnga, kalrasenga nakwane. Ka lalasu kiadailinga kwidra drekaseli liniane ku angukakaiyane ku kadalranane. Ka lalasu arakai ka kingi darepe tuvaeva ka lwange; la sukusukubu iniane, papia iniane patarumara. Ka lalasu la iya kai, kikai lwange amani ku wasangiluku liniane katwase ka Izipiti ka twaumase.”

Ku Arungu la picucubungu ki nitutwaumasane ka kingi ka lwange darepe ku vaeva ku tapatarumaramarane, la pelaela iya kai, “Lwiya pasikaiya ki TAMATAMA pasusu ki lrisi.” Saka makapusale ki mialrealre, ku mapapangale la mailuku ku lanilapulapwane, yakai ku twa Lama ka lrisi ka nilapulapwane, yakai ku twa Sulivatane ka lrisi si kane. Kwini lalasu wanene si pasilribate kanekane ungungulu, la pakilringau ku takapeapeaperavane.

Sakakaiyane, ku Musi la kawriva ki mapapangale, “Pasalriwnga numi kai mateelrege turamuru kai pasalrivane. Kikai lri nguselaku mulregelrege, mwa ki TAMATAMA kavai, alau lri dulruaini madu pasikai numiane kitubi ki TAMATAMA anipacepe numiane.”