Popular Bible Verses from Takatwasane Izipiti 15

Share

La iya kai, “TAMATAMAku ka Twaumase numi, lwiyasi la pakaelre numi pasalaladha nakwane, pia kudra pacengecenge iyali ku tatumanane, paluludu ku padradrekaseli, kainaku lri arakai kudra pathavunguli ki swa Izipiti ku lacaemane si pathavungu numiane. Amaniaku ku wasulrau pawdringai numiane ka TAMATAMA.”

Ku TAMATAMA amani ku makecenge ka tarapalakebe; palribulu nakwane. Amani ku Twaumaseli, lri senadhaku drengedrengere iniane; amani ku Twaumase ki ama, lri senadhaku drengedrengere iniane.

TAMATAMA! Ikai ki latwaumase yakai ku miyaiya muswane? Aneane ku miyaiya muswane, ikai ku saniangane matisalru? Aneane ku miyaiya muswane, dulru pia ku pinangu Twaumasane ka puku ka matiasamali?

Arakaisu ku kai maelaela ku sakialibake, sangiluku palribulu ki kawkawlusu; arakaisu ku maadrau ku puku ililuku liniane mwa ki saniange ka daedaesu.

La daruru kavai Mala; kwini acilai kavai laka mapalili, kaika amakaungungulane. La ngwalai kikai, kwini kadaengane lakamani ku pasi Mara. Ku lamapapangale la kirimu kaliliisi ki Musi, kivaga iniane, “Lalri unguluta ku manemane?” Ku Musi la pidruru ikai cakena kitubi ki TAMATAMA; ku TAMATAMA la padrele iniane ku vaeva ku padrungudrungu ka angatu. La malra kwini padrungudrungu si verevere puadringi ki acilai, kwini acilai la akabalrithi ka aungulanenga ka acilai. Ku TAMATAMA la ikai kwini baai liniane ku tinukakudhanane si ikai kwini kilrialringau liniane.