Popular Bible Verses from Amuse 5

Share

Ku patengatengane, nai mia numi ki walrialriau ka kadravane, ka kadrwa ku pathimithimane putaluvaivai ku dringelresane! Mia ki vaalru ka mwalwaludru palralrawthu ku acilai, kai takidulrudulru arakai ku aparamaramavane!

Silapa ki mathariri, la cilri ki ngialisiane, lani ikai ku angukaiyane numi panianiake. Lukamiyaiya kikai, lri singikainga ku taiyane numi, ku TAMATAMA ka abebeelengenga ki sanaka kwapingi ka Twaumase ala lrika patengatengaanenga ikai tapalra numiane.

Kalrasa ki ngialisiane mia ki badha, si kadalame ki mathariri, ikai ki tasaibaibangane la arakaiya ku dringelresane. Lukamiyaiya kikai, ku TAMATAMA ka abebeelengenga ki sanaka kwapingi ka Twaumase alau lri tukalithaneana kudra ki waudripi ka laumawmase kai ki kuni.

Ku TAMATAMA papia ki swa Iseraylri iya kai, “Silapaili! Lu ngibangulu siwlriwlri lri ikaai ku apanianiakane.