Popular Bible Verses from PITAS 3

Share

Sabah TUHAN ngga siabo atin mu. Dŭhnyah bisangan di kayuh adi kuu pikir kuu puan. Ingat TUHAN darŭm sopŭrŭg kayuh adi kuu ndai, ka Ayŭh re kiren di kuu aran adi batur.

Dŭhnyah kuu pikir adŭp mu bijak so adi sibatur-i kuu; tunda pinganang TUHAN ka pijo adŭp mu so pingandai sarah.

Jugan anŭ adi siabo kana so pimuruh mu ngga stabi di TUHAN. Kambŭi kuu ndai simŭnŭ, panggau mu re brisi ngga gandom, ka kuu re biyŭn wain rabis so tungang kuu nyikŭn di birit pinyirikŭn mu.

Dŭhnyah ko rindu ka tŭtŭd di Tapa ngga di dingan mu adi samah manusia. Mŭŭng-i di tungo mu; nuris-i di atin mu.

Kan TUHAN nyara ngajar kuu, nak, nakit dingah ka trima-i ndu pinyibakan. TUHAN nyara ngajar ngara adi-I rindu, nimun pimas nyara ngajar anak adi ngara rindu.

Dŭhnyah kambŭt kayuh adi aku ngajar di kuu, nak. Ari ingat kayuh adi aku kidaan di kuu bada ndai. Ajar ku re bada kuu udip tui ka mujur.

Sanang inŭh daya adi bijak — adi dapŭd pinyimirati. Bagŭ dŭ utung dieh so di pirak ka brega dŭ yŭn mu so mas. Pinyibijak inŭh brega dŭ so batuh brega; mating pinyiraan mu adi bŭkŭn dapŭd ngga danding-i.

Kan daya biguna pinurung, ka kuu dapŭd turung ayŭh, dŭhnyah kuu abah turung.

TUHAN napa ong ngga pinyibijak-I; ngga pinyipuan-I Ayŭh na rangit di yŭn-i.