Popular Bible Verses from PITAS 2

Share

TUHAN inŭh adi nggen pinyibijak; so Ayŭh mandŭg pinyipuan ngga pinyimirati.

Birajar kayuh adi aku ngajar di kuu, nak, ka dŭhnyah kambŭt kayuh adi aku kidaan di kuu bada ndai. Dingah pinyibijak ka suba mirati-i. Sawŭ, bandar mite pinyipuan; mite pinyipitar. Bandar jiroh-i mun jiroh pirak puan kah rata adi dog sukan. Kambŭi kuu ndai simŭnŭ, kuu re puan ani rati nŭŭh taru TUHAN ka kuu re mujur darŭm kuu birajar pasar Tapa.

Ayŭh turung ka grindung ngara adi tŭnggŭn ka adi jujur. Ayŭh grindung ngara adi kana ngga daya, ka ngibān ngara adi tŭtŭd di Ayŭh.

Daya adi tŭnggŭn ngga adi dŭh sarah re rŭŭ di tarun tana ta ati. Pak Tapa re tarik daya ginaka so tarun tana ati ka dimbut daya bidosa so dieh mun dimbut anak kayuh-udip so tana.

Kuu re tungang tak adŭp mu so dayung adi bidosa adi suba an piripong kuu ngga pinganang sidi-i, adi dŭh tŭtŭd di banŭh adŭp-i ka mbŭh kambŭt payu sawan-i.