Popular Bible Verses from Philippied 4

Share

Na vezit sourciet gant netra, mes, en peb occasion, lakit ho koulennou dirag Doue, dre bedennou ha supplicationou gant actionou a c’hras, hag ar peoc’h a Zoue

pehini a dremen peb ententamant, a ziwallo ho calonou hag ho sonjezonou en Jesus‐Christ.

A‐hend‐all, breudeur, ravezo occupet ho sperejou gant kement a zo gwir, kement a zo honest, kement a zo just, kement a zo pur, kement a zo dign a garantez, kement a zo a vrud vad, hag a zo enhan eur vertuz‐benag, hag a zo dign a veuleudi; ra vezo occupet ho sperejou gant an holl draou‐ze.

Gallout a ran pep tra dre ar C’hrist, pehini a ro nerz d’in.

En em rejouissit bepred en Aotrou; hen lavaret a ran c’hoas: En em rejouissit.

Ha va Doue a bourveo ive d’hoc’h holl ezomou, hervez he binvidigezou, gant gloar, en Jesus‐Christ.

Ho desket hoc’h euz ive, ho recevet hag ho c’hlevet ganen‐me, hag ho gwelet hoc’h euz enoun‐me. Grit an traou‐ze, ha Doue ar peoc’h a vezo ganeoc’h.

Ra vezo anavezet ho tousder gantan holl dud. An Aotrou a zo tost.

Gouzoud a ran beza en eur stad izel, gouzoud a ran ive beza en abondans; en holl ha dre holl em euz desket beza rassaziet ha kaoud naoun; beza en abondans, ha beza en dienez.

Na lavaran ket kement‐se abalamour d’am dienez; rag desket em euz beza contant euz ar stad en pehini en em gavan.