Popular Bible Verses from Genes 13

Share

rag an holl vro a velez a roin d’id, d’id ha d’ar wenn ac’hanoud da viken.

Hag an Aotrou a lavaraz da Abram goude ma oe dispartiet Lot diganthan: Sav eta da zaou-lagad ha sell, deuz al leac’h ma’z oud, etrezeg an Hanter-noz, etrezeg ar C’hreiz-deiz, etrezeg ar Zav-heol, hag etrezeg ar C’huz-heol

Ha me a lako da vugale da zond ker stank ha poultren an douar; mar gell unan-benag counta ar boultren divar an douar, neuze e vezo gou-vezet ive an niver euz da lignez en da c’houde.

Hag Abram a lavaraz da Lot: Miromp, me az ped, ne vez disput e-bed etre me ha te, nag etre va messaerien ha da re-te, rag ni a zo breudeur.

Neuze Abram a zavaz he dantennou ac’hane, hag a zeuaz da chom e-tal ar gwez dero, a zo e bro Mamre, e douar Hebron, hag e savaz eno eun aoter da Zoue.

Neuze Lot, o sevel he zaou-lagad a velaz holl blenen ar Jourdan eur blenen pehini, (araog m’hen doe an Aotrou distrujet Sodom ha Gomorrh) a oa doureet pen-da-ben beteg Tsoar, evel jardin an Aotrou, evel bro an Egypt.