Popular Bible Verses from Éfàsù 1

Share

Mbíṛì kùtàá má si ṛo yo ꞌví dù go ṛo ṛi, wàa yo ꞌví ŋò ta ndâ ŋa i tí nó náa yí ci yo á gítí ndú nó, ta ŋa nambeè tí nó náa yí ci ndâ ꞌviì-ꞌbá á gí tí  nó, ta ŋa wotí tí nó náa yí kû bàkà ji ndoo tí ndâ mbe tee njembí ndoo mítí wó nó, àá bà nìkì tí yo ma. Káa yo bà ŋò wotí tí nò ni a i mítí bá ꞌvala ndi Bìndi-Mbíṛì ꞌdo gbí muuꞌdú wó, ta bà ya yí gí bà ki tí wó gbí kùꞌbì mì Mbíṛì á gbíṛì, tí gbolò gba ta ŋa wó wálá, tí mbe wotí, tí mbe zogo to, tí ꞌduù náa ṛè wó kû wu me ká kpónó lá, ṛè wó delè bà wu bìndi bà ꞌvala ndi ndâ ꞌduù ꞌdo gbí muuꞌdú ndú ta ndòngbú o.

Mbíṛì ṛuka ndoo á kùṛo bà suu to tí nô, yí ṛuka ndoo ta ṛè mì Bìndi-Mbíṛì. Yí ṛuka ndoo, tacó bà kaa ndoo mò gí mì wó tí ndâ ꞌduù jáá kùṛo wó. Mbíṛì bàkà ndoo tí ndâ ꞌviì mì wó náa a yí ká ko ndoo ta njembí wó gbaànjé ta ṛè mì Bìndi-Mbíṛì, ꞌdo ká gbí ꞌdóó nambeè mì wó.

Wú-gbí-ṛé wó tí nó mbe njaanga miṛi ndoo ꞌdo gbí vò i, ta bà cì yí muu ndoo, náa ndoo giì ꞌde tí  ta à-cee-gî gítí ndâ vò i mì ndoo nô. Ŋìnò a gbolò nambeè mì Mbíṛì

Ndoo ùlù Mbíṛì, tí Bu Mbe tí ndoo Jézù tí Bìndi-Mbíṛì, tí mbe cù ꞌdê ngo cù wó tí Mbíṛì mítí ndoo, tí mbe je ndâ tó i ꞌdáá gî ꞌdo gbíṛì ji ndoo ta ṛè mì Bìndi-Mbíṛì.