Popular Bible Verses from ROOM DIMA 3

Share

dama sɔkam tum la taalli ka kɔŋŋi soori ni ba paai Naawunni gyirima ziiya. Ka Naawunni ŋɔn tisiri ba piini yɔri, samni ka ni, la zugu, u yiisi ba taalli ni, ka zaali ba yɛlimaŋni, Kirisita Yisa ŋɔn fa ba m‑basi zugu.

Naawunni ŋɔn tiri yɛlimaŋni seem wa dɔli la Yisa Masiiya yɛdda niŋbu, ka dinŋɔ nyɛ la lala n‑ti sɔkam zaa ŋɔn niŋi u yɛdda gba. Wɔligri ka ni

Ŋɔn Yisa muna - Naawunni daa zaŋŋi u n‑tisi hoo maaligu, ni u ti nyɛ sɔ ŋɔn ziim mari kyɛ-m‑pɛŋŋi, ka di mun dɔli la yɛdda. Lala zugu Naawunni n wulisiri u mammaŋŋa yɛlimaŋni ŋɔn bɛ seem, dama sahanseaa la u daa di sugru zaŋŋi n‑kyaŋŋi ban daa daŋŋi n‑tum taalli. U boori la u niŋi lala n‑wulisi u yɛlimaŋni ŋɔn bɛ seem saha kanŋɔa; dizugu u mammaŋŋa nyɛ la yɛlimaŋni daana, ka laa n‑nyɛ sɔ ŋɔn deaari sɔkam ŋɔn niŋi Yisa yɛdda la gba, ni, yɛlimaŋni daana.

Din laa m‑paasi, ninsaala zaa ku toaai n‑dɔli zaaligu soori ka naayi yi Naawunni sariya karibu ni na, ni, yɛlimaŋni daana n nyɛ u. Dama zaaligu maa tuma nyɛ la lala: di kur kyɛ ka taalli yɛla yi paalu.

Kaman hoo din sɔbi n‑dooli, ni#:- “Sɔsɔ ka yɛlimaŋni, Pa yinni kɔkɔ gba. Sɔ mun ka ni m‑mari yɛm, Sɔsɔ bu boori Naawunni ziiya. Sɔkam zaa burigri soori ni, Sɔkam zaa leebi la bunkyɔ'aŋŋu. Sɔ n ka ni n‑tumni din veela, Pa yinni kɔkɔ gba.”

Dinŋɔna ti mari teesa, ni, niriba bɛ la yɛlimaŋni dima ba yɛdda niŋbu zugu; di pa la zaaligu la tuma zugu ka ba nya yɛlimaŋni.

Ay! di pa lala. Naawunni kur kpalim n‑zɛ u yɛlimaŋni ni, halli ni ninsaala zaa ŋɔn nyɛ ziri daana. Kaman di pun sɔbi n‑dooli, ni#:- “Lala ka i yɛlimaŋni yi paalu ni, Ni, i yɛla zaa mari yɛdda; Ba yi ya kari i sariya I yɛttɔ'a nin zɛ suŋŋa n‑nyaŋŋi ba.”