Popular Bible Verses from ROOM DIMA 12

Share

Yan di kyɛ ka duniya wa dima beesigu mugsi ya, ni ya gba bɛ la lala; amaa ya kyɛ ka ya beesigu takki n‑dɔli ya nini ŋɔn neaai n‑nya sɔpaalli la. Ya tumma Naawunni yuubu tuma nti baŋŋi a gbinni, ni, a veela ka laa n‑nyɛ bunsuma zaa ka Naawunni nini n tigri a.

Dizugu n susiri ya ni, m mabiisi, Naawunni nambɔzoaa zugu, ni, ya zaŋŋma ya mansi m‑maali sara n‑ti Naawunni ka u nini tigi. Di nyɛ la: yan na nɛ wa, ya nin leebi Naawunni dinni, dama dina n nyɛ gyeeŋŋu maŋni n‑tiri u.

Yan mari tama maa zugu, ya kyɛ ka ya sufu maai; yan mun nya namsigu sahanseaa maa, ya kur mari sugru di puuni; ka yan susiri Naawunni maa, ya susima nimbirimoaa.

Di kyɛ ka tumbeoo nyaŋŋi i; see ka i mari tunsuŋŋu n‑nyaŋŋi tumbeoo.

Zaŋŋi n‑kyaŋŋi mabitirigu wurilim, see ka ya wuri taaba suŋŋa. Zaŋŋi n‑kyaŋŋi gyirima mun tisibu, see ka ya gyeemni taaba nimmoosi.

Kyɛ ka ya siri wuri la niriba yɛlimaŋni ni, ka di yɔmsira. Ya yaama Sintaani yɛla, ka gyi din nyɛ bunsuŋŋu.

Ya kyɛ ka yan ni sɔkam mari la nangbanyinni, halli ya yi ti nyaŋŋi lala.

M mabiwutta, yan di yɔ sɔ tumbeeri samni, amaa ya kyɛ u yoobu yɛla n‑ti la Naawunni, dama ŋɔna n su tubdarigri yɛla zaa. Dama di sɔbi n‑dooli, ni, ti Dugma yɛliya, ni, labsigu n nyɛ u dinni, ni, ŋɔna nin labsi n‑yɔa.

Zaŋŋi n‑kyaŋŋi ya tuma ni, yan di mari zinnya'ari; zaŋŋi n‑kyaŋŋi ya sufu ni yɛla, ya kyɛ ka ya nini moaai; ti Dugma ka ya gyeemni sahakam.

Tɔ; Naawunni ŋɔn pun zaŋŋi u suŋŋsim piini n‑ti ma la zugu, n kpaamni ya zaa yinniyinni nŋɔa: ni, yan di gɔsi ya mammansi yɛla n‑teesi, ni, a veela, halli ka ya lala teesa gaari din siri nyɛ yɛlimaŋni maa. Ay! - Ya kyɛ ka ya teesa dɔli la yam maŋni, hoo Naawunni ŋɔn zaŋŋi yɛdda n‑ti ya sɔkam yinniyinni seem.

Yan di tum tumbeeri n‑labsi sɔa, ŋɔn tum tumbeoo n‑niŋi ya la zugu. Ay! - ya kpaŋŋma ya mansi n‑tumni tunseesi niriba zaa ŋɔn gɔsiri n‑yɛtti, ni, a veela.

Ya la'amma m‑bɛ ni taaba ni sugru. Yan di duusi ya mansi amaa ka sakki n‑tabli tarimma saani. Yan di boori ya mansi, bee, n‑yɛtti ni, yɛm daandima n nyɛ ya.

N‑laa m‑paasi, ni, “Kɔm yi mari i dindaana, nyin tim u diibu ka u di; kɔnyuuri mun yi mari u, nyin tim u koom: i yi niŋi nŋɔ di nin ŋmanni la i moaari la bugunsaala n‑ziinni u zugu.”

Ya susim bunsuma Naawunni saani n‑tiri seeba ban mugsiri ya: ii! - ya susim bunsuma, ka pa la bumbeoo n‑tiri ba. Baseeba ban mari sufupeelli maa, ya paasima ba zugu m‑mari sufupeelli; ban mun sufu sa'am, ya paasima ba zugu sufusa'aŋŋu ni.

Ya suŋŋma ya nyaandɔlitaaba ban bɛ wahala ni la, ka sɛ'asi n‑deaari saamma n‑kpeesiri ya yiya ni.

Ya nyama - ningbiŋŋu maa nyɛ la bummunni yinni, amaa tuga pam bɛ ka ni, ka a seelikam zaa mari la ka tumni, ka tumni. Di nyɛ la lala n‑ti ti zaa: ti zoaaya halli, amaa ti nyɛ la hoo ningbimmunni, tin ŋɔn bɛ Yisa Kirisita ni la zugu. Ka ti zaa ŋmanni la u ningbiŋŋu tuga n‑suŋŋni taaba.