Popular Bible Verses from I KƆRINTI DIMA 2

Share

Ba siri daa bu baŋŋi, hoo din pun sɔbi n‑dooli, ni#:- “Bunseesi sɔ nimbiri ŋɔn na bu nya, Bunseesi sɔ tubri ŋɔn na bu wum, Bunseesi ninsaalisɔ sufu ŋɔn na bu teesi a yɛla - Anŋɔ ka Naawunni pun maali siri, U nin zaŋŋi a n‑ti ban wuri u maa.”

Ninvugseeba ban ka Sii maa bu deaari yɛliseesi an yiiri Naawunni Sii maa ni na, dama a nyɛ la gyɛrilim ba saani. Ba bu baŋŋi a gbinni, dama sɔ ku toaai m‑baŋŋi, di yi pa la u dɔli Sii maa soori n‑viisiri a.

Tirim muna - ŋɔn Naawunni zaŋŋi anŋɔ taabu n‑wulisi ti; u Sii maa zugu ka u wulisiri a ni, dama Sii maa viisiri la seelikam, halli Naawunni yɛlizulima gba.

Pa duniya wa siiya ka ti daa deaai; amaa Sisɔ ŋɔn yi Naawunni saani na. Ka lala n kyɛ ka ti baŋŋi Naawunni ŋɔn ti ti piiniseesi la zaa.

N yɛligu maa, ni man daa mooli lahabaari la gba, daa pa la yɛm yɛttɔ'anya'asa, amaa a daa wulisiri la Naawunni Sii maa yiiko yɛla, ni lala ti kyɛ ka ya yɛdda niŋbu ku bɛ saalidima yɛm zugu, amaa Naawunni yiiko zugu.