Popular Bible Verses from Ashlish 3

Share

Cur‐my‐ner, ta mee my hassoo ec y dorrys, as shirrey fosley: My ver dooinney erbee clashtyn da my choraa, as y dorrys y osley, higym stiagh huggey, as nee’m shibber y ghoaill mârish, as eshyn mârym’s.

Shione dou dty obbraghyn, nagh vel oo edyr feayr ny cheh: baillym dy beagh oo edyr feayr ny cheh. Myr shen er‐yn‐oyr dy vel oo eddyr y jees, as nagh vel oo edyr feayr ny cheh, tilg‐ym oo magh ass my veeal

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er‐y‐fa shen, as gow‐arrys.

Shione dou dty obbraghyn: cur‐my‐ner, ta mee er hoiaghey royd dorrys foshlit, as cha vod dooinney y yeigh eh: son ta red beg dy vree aynyd, as t’ou er vreayll my ghoo, as cha vel oo er obbal my ennym.

Dasyn ta geddyn y varriaght low‐yms dy hoie mârym er my stoyl‐reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl‐reeoil echeysyn.

Son dy vel oo gra, Ta mee berchagh, as er vishaghey ayns cooid, as nagh vel mee feme nhee erbee; as cha vel oo goaill hood hene dy vel oo treih, as seaghnit, as boght, as doal, as rooisht.

Er‐yn‐oyr dy vel oo er vreayll goo my hurranse, freill‐yms uss myrgeddin veih’n oor dy hrial, ta ry‐hoi cheet er ooilley’n seihll, dy phrowal adsyn ta baghey er y thalloo.

Cur‐my‐ner, ta mee cheet dy tappee: cum shickyr ny t’ayd, son nagh gow dooinney erbee dty attey voïd.

Bee er dty arrey, as niartee ny reddyn ta er‐mayrn, ta aarloo dy gholl naardey: son cha vel mee er gheddyn dty obbraghyn dy slane cooilleenit fenish Yee.