Popular Bible Verses from Ashlish 20

Share

As quoi‐erbee nagh row ry‐gheddyn scruit ayns lioar y vea, v’ad er nyn dilgey ayns y logh dy aile.

As honnick mee ny merriu, beg as mooar, nyn shassoo fenish Yee; as va ny lioaryn foshlit: as va lioar elley foshlit, ta lioar y vea: as va ny merriu er nyn mriwnys liorish ny reddyn shen va scruit ayns ny lioaryn, cordail rish nyn obbraghyn.

As livrey yn aarkey seose ny merriu v’aynjee, as ren y baase as yn oaie adsyn y livrey seose v’ayndoo: as va dy chooilley ghooinney er ny vriwnys cordail rish e obbraghyn. As va’n baase as yn oaie er nyn dilgey ayns y loght dy aile: Shoh’n nah vaase.

As honnick mee stoyl‐reeoil mooar gial, as eshyn va ny hoie er, veih e enish ren niau as thalloo chea ersooyl, as cha row ynnyd ry‐gheddyn er nyn son.

As tra ta ny thousane bleïn ec kione, bee Satan er ny eaysley ass e phryssoon, As hed eh magh dy volley ny ashoonyn t’ayns ny kiare ayrnyn jeh’n theihll, Gog as Magog, dy haglym ad dy cheilley gys caggey: nyn earroo ta myr genniagh ny marrey.