Popular Bible Verses from 1 Peddyr 3

Share

Agh jean‐jee yn Chiarn Jee y chasherickey ayns nyn greeaghyn: as bee‐jee kinjagh aarloo dy chur ansoor da dy chooilley ghooinney ta shirrey oyr son y treishteil t’ayndiu, lesh meenid as arrym: Freayll cooinsheanse vie; son wheesh as dy vel ad goltooaney shiuish myr drogh‐yantee, dy vod ad nearey ’ghoaill ta cassid dy foalsey yn ymmyrkey‐bea vie eu ayns Creest.

Son ta sooillyn y Chiarn er y vooinjer ynrick, as e chleayshyn foshlit gys ny padjeryn oc: agh ta eddin y Chiarn noi ocsyn ta jannoo olk.

Yn soiaghey magh eu ayns nyn goamrey ny lhig da ve shen er y cheu‐mooie jeh fee yn folt, ny ceau airh, ny cur erriu coamrey [moyrnagh]: Agh lhig da ve yn dooinney follit ’sy chree, ayns shen nagh jed naardey, dy jarroo yn coamrey dy spyrryd meen as feagh, ta mooar soit jeh ayns shilley Yee.

Son eshyn saillish ve graihagh er bea, as laghyn mie y akin lhig da e hengey y smaghtaghey veih olk, as e veillyn nagh loayr ad veg y volteyraght. Lhig da chea veih olk, as jannoo mie; lhig da shee y hirrey, as lhiantyn huggey.

Er‐jerrey, bee‐jee ooilley jeh un aigney, chymmoil yn derrey yeh jeh’n jeh elley, cur‐jee graih myr braaraghyn, bee‐jee lane dy hymmey, bee‐jee dooie: Cha nee cooilleeney olk son olk, ny oltooan son oltooan: agh ayns ynnyd shen, bannaghey; toiggal dy vel shiu gys shoh er ny eam, dy vod shiu bannaght y gheddyn myr eiraght.

As quoi eh nee aggair diu, my eiyrys shiu da shen ny ta mie?

Lhig da chea veih olk, as jannoo mie; lhig da shee y hirrey, as lhiantyn huggey.

Son te ny share, my she aigney Yee eh, dy jean shiu surranse son jannoo dy mie, na son jannoo dy olk.