Popular Bible Verses from 1 Ean 3

Share

My chloan veggey, ny lhig dooin graih y choyrt ayns raa, ny ayns glare; agh ayns jannoo as ayns firrinys.

Liorish shoh ta shin toiggal graih Yee, ayns dy dug eh sheese e vioys er nyn son: as lhisagh shinyn nyn mioys y chur sheese son ny braaraghyn.

Cur‐my‐ner, cre’n sorch dy ghraih ta’n Ayr er stowal orrin, dy beagh shin enmyssit nyn gloan dy Yee: shen‐y‐fa cha vel enney ec y theihll orrin, er‐y‐fa nagh row enney echey ersyn.

Eshyn ta jannoo peccah, t’eh jeh’n drogh‐spyrryd; son ta’n drogh‐spyrryd kyndagh jeh peccah er‐dyn toshiaght. Son yn oyr shoh va Mac Yee er ny hoilshaghey, dy voddagh eh cur mow obbraghyn y drogh‐spyrryd.

Quoi‐erbee t’er ny ruggey jeh Jee, cha vel eh cur rish peccah; son ta’n rass echey tannaghtyn ayn: as cha vod eh ve fo reill peccah, er‐y‐fa dy vel eh er ny ruggey jeh Jee.

Agh quoi‐erbee ta cooid y theihll shoh echey, as fakin e vraar ayns feme, as ta dooney seose e veeghyn dy hymmey voish; kys ta graih Yee tannaghtyn ayn?

As eshyn ta freayll ny annaghyn echey, t’eh tannaghtyn ayns Jee, as Jee aynsyn: as liorish shoh ta fys ain dy vel eh tannaghtyn aynin, liorish y Spyrryd t’eh er choyrt dooin.

Liorish shoh ta cloan Yee er nyn gronnaghey voish cloan y drogh‐spyrryd: Quoi‐erbee nagh vel jannoo cairys, cha vel eh jeh Jee, ny foast eshyn nagh nhynney lesh e vraar.

Son shoh’n chaghteraght ta shiu er chlashtyn er‐dyn toshiaght, dy lhisagh shin ve graihagh yn derrey yeh er y jeh elley.

Ny gow‐jee yindys, my vraaraghyn, ga ta’n seihll coyrt dwoaie diu.