Popular Bible Verses from 1 Ean 2

Share

Ny cur jee graih da’n seihll, ny da nheeghyn y theihll. My ta dooinney erbee cur graih da’n seihll, cha vel graih yn Ayr aynsyn. Son ooilley ny ta ’sy theihll, saynt ny foalley, as saynt ny sooilley, as moyrn y vea, cha vel ad jeh’n Ayr, agh jeh’n seihll.

As ta’n seihll goll shaghey, as y taynt ain huggey: agh eshyn ta jannoo aigney Yee, vees er‐mayrn son dy bragh.

Eshyn ta gra dy vel eh tannaghtyn aynsyn, lhisagh eh myr shen gimmeeaght, dy jarroo myr ren eshyn gimmeeaght.

My chloan veggey, ta mee scrieu ny reddyn shoh hiuish, nagh jean shiu peccah. As my ta dooinney erbee jannoo peccah, ta fer ain ta loayrt er nyn son rish yn Ayr, Yeesey Creest yn fer‐cairagh

Eshyn ta gra, Ta enney aym er, as nagh vel freayll e annaghyn, t’eh ny vreagerey, as cha vel yn irriney ayn.

As liorish shoh ta fys ain, dy vel enney ain er, my ta shin freayll e annaghyn.

Eshyn ta gra dy vel eh ’sy toilshey, as feoh echey er e vraar, t’eh dy jarroo foast ayns dorraghys.

Quoi yn breagerey, agh eshyn ta gobbal dy nee Yeesey yn Creest? Eshyn ta ny an‐chreestee, ta gobbal yn Ayr as y Mac.

Quoi‐erbee ta gobbal y Mac, ta’n fer cheddin gobbal yn Ayr: [agh] eshyn ta goaill‐rish y Mac, t’eh goaill‐rish yn Ayr myrgeddin.