Popular Bible Verses from Kɔn dɛ̀bɛ́ Zhã nɔ mɔ́ 9

Share

Sə lyì bí byɛ̀bɛ́ bə̀ dàl zwini rí rə̀myɛ́ yə̀ gwi mú, cẽ bə̀ yə̀ bə̀ wun pyìrhí yé, bə jʼâ gwẽ̌ nʼê zwə́l nə̀cílsi námməlwâlsɛ, ǹdə́ wẽ̀ tɛ̀bɛ́ rə̀ də̀ Yi, nə̀ yírhə́ bɛ̃´ nɛ, nə̀ zhã̌ bə nyɛ̌, nə̀ jʼà tʼâ zhə̀l yé. Wẽ̀ dé rə̀myɛ́ mɔ́ wɔ́ bə̀myɛ́ cìcì bə̀ zə sánə́má ǹdə́ cə̀byì-shɔ̃̀ ǹdə́ kã̀mɔ, ǹdə́ dɔ̌ ǹdə́ nə́kulu bə mʼe wɛ̀rhɛ́ rɛ. Lyì bí bə̀myɛ́ mɔ́ jʼâ gwẽ̌ yə̀ lyì-guurí ǹdə́ càl-tumə né wɔ̀rhɔ́ mɔ́ ǹdə́ fwə̂l mó ǹdə́ ŋwɔ̀lɛ̀ rɛ́ nɛ dwĩ̀ yé.

Səsɔ̀mɛ̀ shí nyɛ̀sɛ́ wẽ́ nə du nə sú cɛ yá. Bə pə nɛ swã̀ è wɔ́ ǹdə cɛ yó nɛ̀mɛ̀ nɛ́ swã̀ y ta. Bə pə nɛ nyí bə̀ nə̀ bə̀kʼa wɛ̀rhɛ́ kaka gaarɛ́ ǹdə́ cèmé né ǹdə́ ka kɛ̀bɛ́ è nʼê lyĩ tɛ̃´ gaga nɛ yé, sə nə wɛ̀rhɛ́ lwɛlɛ lyì bí byɛ̀bɛ́ Yi myɔrhɔ w tɛ̀nɛ́ bə̀ cílə́ né ne mó dúdú ni.

Màlɛ́kabá bə̀nu nyâ y gə́ wúl è pɔ́lá yá, a pwírí cã̀mə́sɔ̀wá è shí dɛ̃̌ e tu tɛ̃´. Bə pə y gɔ́rɔ́ òdù bwə̀l-byǐ. Gɔ́rɔ́ w òmyɛ́ nyɛ̌ nánlyilyìmú dɛ̃´dɛ̃´, ò kùr tʼâ nɛ yé.

Sə bə̀ yə̀ nɛ sɔ́má pɛ bə̀ nə̀ gu bi yé. Wɔ́ nɔ́nɔ́ nə̀ la bɛ nɔ̀nɔ̀ cànsɛ̀ sə̀nu wẽ́, sə nɔ̀nɔ̀ w òmyɛ́ bʼa yì bì ǹdə nɔ̃̀ gə́ yʼa dɔ̃̀ o yì ní.

Wɔ́ gɔ́rɔ́ w nánlyilyìmú w màlɛ́ka y è wɔ́ nə̀ pyɔ̌. Bə̀ nʼê byẽ̀ è yil lé ǹdə́ ebərə́ bə̀ “Abadɔ̃”; bə byẽ̀ dè ǹdə́ gə̀rɛ́kɛ bə̀ “Apɔlɔyɔ̃”. Rə̀ kùr wɔ́: “Cɔ̀rnà”.