Popular Bible Verses from Kɔn dɛ̀bɛ́ Zhã nɔ mɔ́ 8

Share

Pyì-bwɛ̀lɛ́ y gə́ vùr pyə́lsɛ́ shàlpyɛ̀ nyâ yá, kɔn jʼa yə̀ shɛ́ɛ́ dɛ̃̌ yi wə, kɔn dɛnɛ e yí lù òdù kə̀kàlà.

Màlɛ́ka y nã́yéé gə́ wúl è pɔ́lá yá, bədũ̀kwələ ǹdə́ myǐn ǹdə́ jal gùlí dwã rə ló tɛ̃´. Cɛ y gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è ju myǐn; cèmé né myɛ gə yʼà bɔ̀n dwã nɛ kùrə̀ nə̀tɔ̀, wɔ́ kùr rə̀dù rə̀ ju myǐn. Gɔ-lyɔ̀ w gakó súlí o ji myǐn.

À kʼâ la nyǔ, a pwírí zhú ò ŋwɛ́nɛ́ dɛ̃̌ dɛ̃̌ yi wə. Ò nʼô bya dɛ̃´dɛ̃´ ò zhe: “Nyǐ wɔ́ zwini, wɔ́ zwini cɛ yó lyì bí yil tã̀! Màlɛ́kabá bə̀tɔ̀ y bə̀ dàl mɔ́ gə tú bə̀ wúl bə̀ pɔ́lsɛ́ yi ní, zwini bʼa zə bɛ!”

Màlɛ́kabá bə̀lyè nyâ y gə́ wúl è pɔ́lá yá, ku òdù ò zhe myǐn, ò nyɛ̌ nánfɔ̀lɔ̀ ǹdə pyɔ̀ ta, shí dɛ̃̌ o tu nə̀-fɔ̀lɔ̀ w wa. Nə̀-fɔ̀lɔ̀ w yʼà bɔ̀n dwã nɛ kùkùlə̀ nə̀tɔ̀. Kùkùl rə̀dù jǐrh jal.

Màlɛ́kabá bə̀tɔ̀ nyâ y gə́ wúl è pɔ́lá yá, bə̀ gə yʼà bɔ̀n bwǐsí ǹdə́ sə̀ nə̀-bùlsí dwã w kùkùlə̀ nə̀tɔ̀, cã̀mə́sɔ̌ nánfɔ̀lɔ̀ òdù jʼa shí dɛ̃̌ ò nʼô jí ǹdə myìn-pyìlù ta, o tu rə̀ kùkùl lé rə̀dù yó. Cã̀mə́sɔ̌ w òmyɛ́ mɔ́ yíl “Cɛ̀ɛ́”. Bwǐsí ǹdə́ sə̀ nə̀-bùlsí kùkùl rə̀dù gə́ jǐrh cɛ̀ɛ́ mɔ́ ce, lyì bí byɛ̀bɛ́ bə̀ nyɔ̀ sə̀ nɛ̃̌ mɔ́ mɔ́ nánzhəzhɔ̌ cùwə̀.

Màlɛ́kabá bə̀na nyâ y gə́ wúl è pɔ́lá yá, nə̀nyɔ́nɔ́ w gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è cɔ̀. Cànà y myɛ gə yʼà bɔ̀n dwã nɛ kùrə̀ nə̀tɔ̀, wɔ́ kùr rə̀dù rə̀ cɔ̀. Cã̀mə́sɔ̌sɛ́ myɛ gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è cɔ̀. Rə̀ kə̀kàlsɛ́ shɛ̀bɛ́ sə̀ cɔ̀ mɔ́ jǐrh námbyín. Dɛ̃ gakó myɛ gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è cɔ̀. Cəcɛ̃ y myɛ nyâ y yə̀ èta.