Popular Bible Verses from Kɔn dɛ̀bɛ́ Zhã nɔ mɔ́ 13

Share

Èlâsɛ̃´, wɔ́ surhə cìnə́ bə̀ wɔ̌ bə̀ mʼa lwar ywẽ né nyɛ̀bɛ́ kùrə̀. Bǔ-ku w yil lé gál-byâ bɛ́ wɔ́ numbyíní yil. Ò gál-byâ bɛ́ wɔ́ zɔ̃̌-nyə̀ldù ǹdə́ shí-shə̀ldù ǹdə́ bwə̀ldù (666). Lò mɔ̀bɔ́ ǹ zhe lárma ǹ wɔ̌ ǹ lwar rə̀ yé-shò.

Lũ w lyì bí byɛ̀bɛ́ gakó bə̀ yilə né yə̀ nyǔ mə̀ tʼâ la zhɔ̌ sɛ́bɛ́ rɛ́ wẽ́ kɛ̃ kùr-ju yi ní ga mɔ́ bʼa wùlì tɛ̃´ ò yé né bə cèrhé wə. Sɛ́bɛ́ rɛ́ rə̀myɛ́ wɔ́ Pyì-bwɛ̀lɛ́ y bə̀ zwə́l mó è cǐ ri.

O nyɛ́ɛ́ lyì bí púlə́púlə́, náncɛrh ǹdə́ bə̀sɔ́ná, nə̀cɛ̀nà ǹdə́ nə̀mwà, lyì byɛ̀bɛ́ bə̀ cǐ bə̀ cìnə̀, ǹdə́ yómə́ ga, bə cĩ́ myɔrhɔ bə̀ jə̀jĩ́sí ráá bə̀ cílə́ né ne. Myɔrhɔ w òmyɛ́ mɔ́ wɔ́ bǔ-ku w yil lé, ráá ò yil lé gál-byâ bɛ́. Lò mɔ̀bɔ́ ǹ gə zɛ̃̀ ǹ bə myɔrhɔ w òmyɛ́ mɔ́ zhe, ǹ wàr ǹ la dɔ̌l yé.

Kɔn gə wɔ́ Yi pùbùlə̀ bə̀ lò twĩ̌ byə̀nə́-jì, ǹ bʼâ twĩ̀ yə̀. Kɔn gə wɔ́ Yi pùbùlə̀ bə̀ bə̀ gu lò ǹdə́ shù, bə̀ bʼa gu mu ǹdə́ wa. Rə̀myɛ́ ce, byɛ̀bɛ́ bə̀ wɔ́ Yi lyì bí mú mə̂ sə bə pyɛ́nɛ́ bə zhí Yi ni.

Rə̀myɛ́ kwã nɛ́, a kʼa nə bǔ-ku nánjə́gɔ́rɔ́ ò shí nə̀-fɔ̀lɔ̀ w wẽ́ ò nʼô dwi. Ò ywẽ́ né wɔ́ nyàlpyɛ̀ ǹdə́ ò nyimə shíyə́. Ò nyu òdù gakó pú pyɛ̀lɛ̀ yə́-pú. Bə̀ kɛ̃ yilə nyɛ̀bɛ́ nə̀ nʼê tùrh Yi ò ywẽ́ né nyàlpyɛ̀ y gakó ne.

Bə pɔ w sɔ́má ò la bú ǹdə́ Yi lyì bí myɛ, sʼo ŋwɛ̀nɛ́ bɛ. Ò nɔ ŋwɔ̀nɔ́ lũ w tənèsé gakó lyì bí yó, dwə́ kùrə̀ gakó lyì bí yó, dwə́ zɔ̀mà dúdúmə́ dúdúmə́ lyì bí yó.

Ò yʼà nʼô zə wò-jààrɛ́ ò nɔ ŋwɔ̀nɔ́ o wɛ̀rhɛ́ bǔ-ku w yé né mó ò yǔr lũ w lyì bí, o wɔ̀ bɛ bə̀ bə̀ mɔ bǔ-ku w bə̀ yʼà cɛ̀mɛ̀ ǹdə́ swé ré o kʼa wárh mɔ́ nyɔrhɔ. Ku w ò shí tɛ̃´ cɛ y wẽ́ mó nə ŋwɔ̀nɔ́ o ce bǔ-ku w nyɔrhɔ w bə̀ mɔ mɔ́ zɛ̃̀ ò nʼô shìrhə́, ò nʼô zɔ̀mà. Lò mɔ̀bɔ́ gakó ń tá ń yâl n cèrhé wə, ò wɔ̌ ò gwi mu.

Bǔ-ku w à nɔ mɔ́ nyɛ̌ ǹdə jə̀l ta. Ò nə̀-pyìlsí nyɛ̌ námpə́pâr ǹdə cílə́-kùlú nə̀-pyìlsì ta. Ò nyí rí zɛ̃̀ rə̀ nyɛ̌ ǹdə bɔrɔ nyí ta. Dɔm mɔ́ nánjə́gɔ́rɔ́ w pə w mə̀ jàn dɛ́ nánfɔ̀lɔ̀ w ǹdə́ mə̀ pyɛ̀lɛ̀ rɛ́, e súlí mə̀ ŋwɔ̀nɔ́ w gakó.

Bə zɛ̃̀ bə pə sɔ́má bǔ-ku w ni, ò la mʼo zɔ̀m cìn-byilu zɔ̀mà, sə o fulsi Yi. Ò nɔ sɔ́má ò la rə̀myɛ́ tũ̌ cànsɛ̀ shə́-èna ǹdə́ sə̀lyè.

Bǔ-ku w yó w òdù nyɛ̌ ǹdə ò yʼà cɛ̀mɛ̀ ò la cú ta, sə ò kʼa wárh. Lũ w lyì bí swéné rə̀myɛ́, bə jʼa tó ò kùrə̀.

Rə̀myɛ́ kwã nɛ́, à kʼa nə ku dõ ò shí tɛ̃´ cɛ y wẽ́ ò nʼô dwi. Ò yʼà zhe nyimə nə̀lyè ǹdə pyì-bwɛ̀lɛ́ nyimə ta. Sə ò yʼà nʼô zɔ̀m ǹdə dɔm nánjə́gɔ́rɔ́ ta. Ò yʼà zhe bǔ-ku w jàn dɛ́. Wɔ́ rə̀myɛ́ ò yʼà mʼô twĩ̀ bǔ-ku w yé né. Bǔ-ku w yʼà cɛ̀mɛ̀ ò la cú, sə ò kʼa wárh. Ku w kɔ̀bɔ́ ò shí tɛ̃´ cɛ y wẽ́ mó nyɛ́ɛ́ lũ w lyì bí púlə́púlə́ bə wùlì tɛ̃´ bə cèrhé bǔ-ku wə́.