Popular Bible Verses from Kɔn dɛ̀bɛ́ Zhã nɔ mɔ́ 12

Share

Nə́ da-byâ bɛ́ ŋwɛ̀nɛ́ mɔ Pyì-bwɛ̀lɛ́ y jal mɔ́ jàn yilə, ǹdə́ bə̀ gə́ yàl Yi zɔ̀mɛ̀ rɛ́ zhə̀n-cínnə mó yilə. Bə̀ shɛ̀nɛ́ cu, bə̀ yə̀ bə̀ myə̀lə́ né ne gá yé.

A zɛ̃̀ a nyɛ̀ɛ̀ cəl dɛ̃̌ yi w rə̀ bya rə wɔ̀: “Èlâsɛ̃´, nə́ vwârh mɔ́ yi yúwə́; èlâsɛ̃´, nə́ Yi rí nʼê jí pyɛ̀lɛ̀ ǹdə́ jàn nánfɔ̀lɔ̀; èlâsɛ̃´, mɔ̀bɔ́ rə̀ cír mó byili ń ŋwɔ̀nɔ́ wá. Nyǐnə bə̀ yìrh mɔ̀bɔ́ ń yà ń nə́ ń cĩ́ ywẽ̀ né nə́ da-byâ bɛ́ yó w Yi yé né cəcɛ̃ ǹdə́ nə̀nyɔ́nɔ́ ga mɔ́ bə ji tɛ̃´ cɛ y yó.

Bə yìrh mə̀myɛ́ ǹdə́ mə̀ màlɛ́kabá ga bə ló tɛ̃´ cɛ y yó. Dɔm mɔ́ mə̀myɛ́ jʼâ ŋwɛ́nɛ́ lũ w kùr-ju yi ní ga. Bə̀ nʼê byẽ̀ mò bə̀ zù-bal ráá Shətana. Mə̀ nʼê yǔr lũ w lyì bí gakó.

Rə̀myɛ́ ce, dɛ̃̌ yi rí ǹdʼámyɛ̌ byɛ̀bɛ́ á ŋwɛ́nɛ́ rə̀ wẽ́ mó ga, fǔnə ǹdə́ wu-nyɔ̃̀. Sə ámyɛ̌ cɛ y ǹdə́ nə̀-fɔ̀lɔ̀ wá, zwini bʼa zə ámyɛ̌ ga, bə̀ Shətana y só tɛ̃´ á sõ ǹdə́ lyi-yìr. È yě bə̀ kɔn gə yàl námpɔ́lɛ́, è kʼê tʼâ la yé nɔ yé.”

Rə̀myɛ́ kwã nɛ́, búlə́ zɛ̃̀ dɛ̃̌ yi wə. Màlɛ́ka Myishəə ǹdə́ ń tó-dwã bɛ́ zɛ̃̀ búlə́ ne ǹdə́ dɔm mɔ́ nánjə́gɔ́rɔ́ w ǹdə́ òmyɛ́ màlɛ́kabá.

Dɔm mɔ́ lyim yʼà nʼê yì mù dɛ̃´dɛ̃´, mə zɛ̃̀ mə kʼa kwɛ̃̀ mə bʼè nʼê bwí ǹdə́ ń byâ bɛ́ byɛ̀bɛ́ bə̀ dàl bə̀ nʼê zwẽ Yi nyə́ né, bə jʼà zhǐ bə̀ nà y yó zhə̀n dɛ́ Yezu byili mú wẽ́ mó.

Myɔrhɔ nánfɔ̀lɔ̀ du dɛ̃̌ yi wə: à nɔ kɛ̃ mə̀dù ń zù nə̀nyɛ́nɛ́ y ǹdə kàmə̀-zwǐ ta. N nɔ̀ cànà y tɛ̃´ ǹdə́ ń nə̀rh. N bə yó-kwə̀lə́ è zhe cã̀mə́sɔ̌rh shí ǹdə́ sə̀lyè. Ń yà ń zhe pǔ, sə ń pwǐ y yʼà nʼê yì.

Sə kɛ̃ mɔ́ lùl bal-byǐ. Wɔ́ byǐ mú ńmyɛ̌ ń mà n cìní cɛmɛ nɛ́ gakó lyì bí ǹdə́ jàn nánkùlù. Sə bə̀ gə́ lùl bə̀sɔ́bwɛ̀lɛ́ yá, Yi kwè y e vò dɛ̃̌ rə̀ sõ, rə̀ gə́ jě rə̀ pyɛ̀lɛ̀ də̀gwã́ y yó mə̀gã̌. Kɛ̃ mɔ́ dùr n vò gɔ-elũ èpòlò w wə, bə̀ Yi yʼà tɛnɛ jàà gàà mɔ́ ń yilə, mùnì bə pɔ̃ kùjú n jí dwã mɔ̀rhɔ̀ ǹdə́ zwã̌-àlyè ǹdə́ shí-shə̀ldù (1.260).

Myɔrhɔ dõ du dɛ̃̌ yi wə: à nɔ dɔm nánjə́gɔ́rɔ́ nánshɔ̃̀ ǹdə myǐn ta. Mə̀ ywẽ́ né wɔ́ nyàlpyɛ̀. Mə̀ nyimə né wɔ́ shíyə́. Mə̀ yó òdù gakó pú pyɛ̀lɛ̀ yə́-pú. Mə̀ nʼê zə mə̀ nə̀byíl lé mə̀ zwàr cã̀mə́sɔ̌sɛ́ kùkùl rə̀dù mə̀ lwé tɛ̃´ cɛ y yó, ǹdə́ bə̀ gə yʼà bɔ̀n sɛ̀ kùkùlə̀ nə̀tɔ̀. Mə̀ yʼà zhǐ kɛ̃ mɔ́ ń pwǐ y nʼê yì mú yé né, mùnì ga ń gə lùlə̀, sə mə kwè ń bə̀sɔ́bwɛ̀lɛ́ y mə lyì.

Bə pə zhú vɔ̀mɛ̀ kɛ̃ mɔ́ nɛ, n mə n zɛ̃̀ n vò jàà y bə̀ tɛnɛ ń yil gɔ-elũ èpòlò w wẽ́ mó wə, bə̀ gə́ la mɔ kùjú w pɔ n jí byinə né nə̀tɔ̀ ǹdə́ fwã́ y mə̀gã̌ mɔ́, mùnì ga n lú dɔm mɔ́ yé né. Rə̀myɛ́ yó, dɔm mɔ́ carh nɛ̃̌ tɛ̃´ kɛ̃ mɔ́ kwã nɛ́, mə jǐrh ǹdə nə̀-wùlmə̀ ta, mùnì mə kwè mò. Cɛ y zɛ̃̀ e wə̂rh è nyí e nyɔ̀ nɛ̃̌ mɔ́, e zwẽ kɛ̃ mɔ́ e dwĩ̀.