Popular Bible Verses from Zhakɛ 4

Share

Rə̀myɛ́ ce, shɛ̀nɛ́na Yi nyí ni, sʼá zhɛ̃̀ Shətana yá, bʼè bʼa dùr e vò kwã nɛ́ kwã nɛ́ e yẽ̌ ába.

Bwəlsenə Yi ni, sʼá yẽ̌ bə̀ rə̀myɛ bʼa bwəlse ámyɛ nɛ. Ámyɛ̌ yə̀-bəlwàálɛ́ cìnə́ bé, sámna á jɛ̀sɛ́, sə jǐrh wárhgáá. Ámyɛ̌ myìnù cìnə́ bé, kwɛrhɛna á wun ní nə jǐrh wárhgáá.

Lwəlnə á cìn tɛ̃´ Cinu yé né, sʼá yẽ̌ bə̀ ń mà n zhẽ̌ ába dɛ̃̌.

Sə pɛnɛ́ y kɛ̀bɛ́ Yi nʼê pɛ nə́ba mɔ́ du kɔn gakó. Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ jàà dõ wẽ́ bə wɔ̀: “Yi bə cìn-byilu cìnə́ só yé, sə rə̀ nʼê cĩ́ bwəl cìn-lwəl cìnə́ yó.”

Lò mɔ̀bɔ́ ǹ yě cɛ̀nɛ̀ rɛ́ tɛ̀bɛ́ ǹ yà ǹ mə̂ sə́ wɛ̀rhɛ́ mɔ́, ń zɛ̃̀ ǹ yə̀ rɛ̀ wɛ̀rhɛ́, rə̀myɛ́ wɔ́ yə̀-bəlɔ̀lɔ́ ǹ wɛ̀rhɛ́.

Sə á gə nʼá lwə̀l Yi ni, á zɛ̃̀ á tʼá nɛ kaka, sə́ nyǐ wɔ́ á lwə̂l mó mə̀ bə mə̂ yé. Á nʼá lwə̀l kɔn dɛ̀bɛ́ rə̀ bʼa pə wu-nyɔ̃̀ á cìcì nì.

Á tʼá zhì nà èdù yó yé. Á yə̀l bə̀ ǹ gə só lũ w nyə̀ná nɛ́, wɔ́ zùùrì ǹ nə́ ǹ jí ǹdə́ Yi nà? Lò mɔ̀bɔ́ ń nə́ ń yâl n yə̀ lũ w dɔwa, rə̀-ná-cí jǐrh Yi zù-bal.

á yə̀l á gə́ la nɛ́ yál nəkɔl dɛ̃ rɛ́ yé. Á wɔ́ ǹdə nəkɔkɔ́lɛ́ myɔ̀nɔ̀ ta. Ò tʼâ jíjírhí yé, èlâsɛ̃´-lâsɛ̃´ ǹdə́ ò tuwə.