Popular Bible Verses from Zhakɛ 3

Share

Sə lò mɔ̀bɔ́ ń zhe surhə nyɛ̀bɛ́ nə̀ shí dɛ̃̌ Yi sõ mó: nã́yéé ré, ń wɔ́ wárhgáá; rə̀myɛ́ kwã nɛ́, ń nə́ ń pyà yə̀-zùlə́; ń zhe wu-bɔ̀nɔ̀; ń bə yó-kùlù zhe yé; ń zhe nɔ̀nɔ̀-dǔr; ń nə́ ń pyà cɛ̀nɛ̀ twéé gakó; ń tá ń lwe lyì dwã nɛ yé; ń tá ń myìnì ń dwã bɛ́ yé.

Da-byâ, lò gə ŋwɛ́nɛ́ á wẽ́ ń nə́ ń bùl bə̀ ń lɔ́ n jà ń zhe surhə, sə n zə cìn-lwəl ǹdə́ tùm-ècɛ̀nà n mə n byili ń lárma mɔ́ ǹdə́ ń surhə né.

Byɛ̀bɛ́ bə̀ nʼê pyà yə̀-zùlə́ mó ce yə̀-zùlə́ ŋwɛ́nɛ́ lyì bí cəcəl wə, sə wɔ́ cángá tùntwə̃̀ə̃̀ né bə̀ nʼê wɛ̀rhɛ́ mɔ́ nə̀ wɔ́ yə̀-zùlə́ né bə̀ nʼê pyà mɔ́ byâ.

Bwɛ̃̌-dǔr gə ŋwɛ́nɛ́ mə̀gã̌, lò kə́ ń tá ń nyǐ ń dõ sõ yé, wɔ́ yààyàà tùntwə̃̀ə̃̀ dúdú ǹdə́ lwɛlɛ dwí gakó rə̀ ŋwɛ́nɛ́ gàà.

Nə́ rʼé zə w nə́ mʼé cèrhé Cinu nə́ Da mɔ́; e jà wɔ́ òmyɛ́ myɛ nə́ mʼé bwəl lwɛlɛ nə́ pɛ numbyínsí Yi wɛ̀rhɛ́ rə bʼe nyɛrhɛ rə̀ cìcì mú ni. Nyí rí rə̀myɛ́ rə̀dù y rə̀ nʼê bwəl lwɛlɛ, e jà wɔ́ rə̀myɛ́ rə̀ nʼê bwəl cɛ̀nɛ̀ myɛ. E jà kɔn bə mə̂ sʼe yə̀ èta yé da-byâ.

Mə̀jòlò w wɔ́ ǹdə myǐn ta. Ò wɔ́ nə́ yala nɛ́ kə̀kàlà, e jà wɔ́ òmyɛ́ wẽ́ lwɛlɛ nʼê shí ní, ò lwɛlɛ rɛ́ nʼê lyɛ́ɛ nə́ yala nɛ́ gakó ne. Myǐn-jì myǐn mú nʼê shí ò wẽ́ mə̀ zhìlì nə́ yò, nə́ lul yi ní ga, kɔn mʼe yí nə́ cu.

Sə lò lò wàr mə̀jòlò w yé. Ò wɔ́ kɔ̀-bəlwɛ̀lɛ́, ò tʼâ zhì shɛ́ɛ́ gaga yé. Ò sú ǹdə́ swã̀ kɛ̀bɛ́ è cɛ̀, è nʼê gwi lò.

Da-byâ, á bə̀kʼá yə̀ nánzhəzhɔ̌ á nʼá yâl á yə̀ kàrmɔ̀ byilnə yé. Á yě bə̀ nə́myɛ̌ byɛ̀bɛ́ nə́ wɔ́ kàrmɔ̀ byilnə bé mó, nə́ bùrsí bʼa yə̀ zwini du lyì bí dwã bɛ́.