Popular Bible Verses from Galəshi 6

Share

Bànà nə́ bə̀kʼá gá lyààrɛ̀ nɛ̀ ǹdə́ cɛ̀nɛ̀ wɔ̀rhɔ́ yé. Zhə̀nà, nə́ gə pyɛ́nɛ́ dɛ̃ rɛ́ bʼe yí, nə́ bʼâ nə kwândɛ.

Rə̀myɛ́ ce, bànà nə́ zə bɔ̀l mɔ́ mɔ̀bɔ́ mə̀ dàl nə́ yil mó, nə́ mʼé twĩ̀ cɛ̀nɛ̀ lyì bí gakó ne, sə kɔn du, nə́ twĩ̀ cɛ̀nɛ̀ byɛ̀bɛ́ bə̀ wɔ́ nə́ da-byâ Kristə-lyì mú ni.

Sɛ̃na dwã nɛ á yò-cə̀ə̀lé wẽ́. Á gə nʼá wɛ̀rhɛ́ èta, wɔ́ Kristə nyə́ né á nʼá zwẽ.

Á bə̀kʼá jə́jɛ̀rɛ́ á cìn yé. Zhə̀nà, Yi bə shɛ̀ rə̀ mɔ̌n yò yé. Kɔn dɛ̀bɛ́ lò dùwə̀, wɔ́ rə̀myɛ́ ń la jə̂r.

Lò ǹ gə dù ǹ yala nɛ́ shilə né, wɔ́ ǹ yò zhìlù nə̀ bʼa ce rə yə̀ ǹ lyààrɛ́ kɔn ń jə̀r. Sə ǹ gə dù tɛ̀bɛ́ rə̀ wɔ́ Eshirhə náàcɛ̀nɛ́ pùbùlə̀ mó, è mʼa ce ń jə̀r nyǔ mə̀ tʼâ la zhɔ̌.

Da-byâ, wɔ́ Eshirhə náàcɛ̀nɛ́ è nʼê zə ába è zhə̀lə̀. Rə̀myɛ́ ce, á gə nɔ lò mɔ̀bɔ́ ń nə́ ń dwé, sʼá kʼá zə mɔ ǹdə́ wu-bɔ̀nɔ̀ á cĩ́ sɔ́má kɛ̀bɛ́ è càn yó. Sə à nʼâ wə̀l ámyɛ̌ cìcì mú mə̀dù mə̀dù gakó ne: á yʼâ dɛ̃̀ á cìnə̀, bə̀ ǹ cìcì mú wɔ̌ ǹ twi sòlò wẽ́.

Lò mɔ̀bɔ́ ǹ nə́ ǹ bùl bə̀ ǹ wɔ́ kɔna, ń jà ǹ də̀ kaka, wɔ́ ǹ cìn ǹ nə́ ǹ jə́jɛ̀rɛ́. Lò gakó mə̂ sə́ nyǐ tɛ̀bɛ́ ǹ nə́ ǹ wɛ̀rhɛ́ mɔ́ cɛ̀nɛ̀. Rə̀ gə bʼa pɔ̃́ wu-nyɔ̃̀, sʼe yə̀ ǹ dúdú wẽ́, sə ǹ bə̀ká zə rɛ ń myɛrhɛ ǹ dõ nyân nɛ yé, bə̀ lò gakó mə̂ sə́ cili ǹ cìcì nyə̀ná nɛ́ sõ.