Popular Bible Verses from Galəshi 5

Share

Sə kɔn dɛ̀bɛ́ Eshirhə náàcɛ̀nɛ́ nʼê pɛ mɔ́, wɔ́ dwã sónó, wu-nyɔ̃̀, yə̀-zùlə́, yala nɛ zhìlù, cɛ̀nɛ̀ wɔ̀rhɔ́, dwã nɛ sãɔ̃, e zə dwã zhə̀nà, wu-bɔ̀nɔ̀, ǹdə́ cìn-zal. Muyiisi nyə́ né tʼâ cẽ rə̀myɛ́ yò yé.

Wɔ́ rə̀myɛ́ è ce, à nʼâ wə̀l ába: yẽ̌nə á cìn nì á ce Eshirhə náàcɛ̀nɛ́ jɔ̃̀ wà, e zə ába e mʼe vò. Èta, á kʼá tʼá la á yala nɛ́ shilə námməlwâlsɛ́ pùbùlə̀ wɔ̀rhɔ́ yé.

Wɔ́ Eshirhə náàcɛ̀nɛ́ è ce nə́ ŋwɛ́nɛ́. Rə̀myɛ́ ce, yẽ̌nə e zə nə́ba e mʼe vò.

Byɛ̀bɛ́ bə̀ zù Yezu Kristə mó, bə̀ pəpa bə̀ yala nɛ́ shilə námməlwâlsɛ́ sə̀ nʼê zə bɛ sə̀ zhə̀l mó də̀-jɔrhɔ́ yó.

Á cìcì mú yě kɔn ná-dwí yil yala nɛ́ shilə né námməlwâlsɛ́ nʼê ce lyì bí wɛ̀rhɛ́. Sə̀ nʼê ce bə̀ wɛ̀rhɛ́ fwə̂l tumə; bə̀ nʼê twĩ̀ tùntùm-bəywààlɛ̀; bə̀ nʼê twĩ̀ ǹdə bə̀ gə́ só né; bə̀ nʼê wùlì tɛ̃´ bə̀ cèrhé wẽ̀ tɛ̀bɛ́ rə̀ də̀ Yi; bə̀ nʼê wɛ̀rhɛ́ cə́mə́ námməlwâlsɛ; bə̀ nʼê súl dwã; bə̀ nʼê bwí dwã; bə̀ nʼê dùr dwã bwɛ̃̌; bə̀ nʼê kwè lyimə ǹdə́ dwã; bə̀ nʼê yâl sə lyì bí gakó nə bɛ́; bə̀ nʼê pɔr dwã nɛ kùkùl kùkùl, bə̀ gə́ bə dwã zɔ̀mà kùr nyɛ̌ yilə; bə̀ nʼê dùr bə̀ dwã bɛ́ wẽ̀ dé bwɛ̃̌; bə̀ nʼê nywɛ̀ sɛ̃´ kɔn lyɛ̃ cɛ nɛ; bə̀ nʼê jí dɛ̃´dɛ̃´. Wẽ̀ dé rə̀myɛ́ dwí rí dwã myɛ súlí rə̀ ŋwɛ́nɛ́ bə̀ nʼê wɛ̀rhɛ́. À kʼâ nʼâ byili ába, ǹdə à gə́ jɛ̀rɛ̀ a byili ní: lyì bí byɛ̀bɛ́ bə̀ nʼê wɛ̀rhɛ́ tumə né nə̀myɛ́ mɔ́ dwí rí gakó tʼâ la jàà nɔ Yi tənà y wẽ́ yé.

Da-byâ, è gə wɔ́ ámyɛ̌ yilə, Yi byẽ̀ ába mùnì ga á cìní á cìnə̀, sə á bə mə̂ sʼá zə á cìn-cìnú mú mə̀myɛ́ á bʼá twĩ̀ á yala nɛ́ pùbùlə̀ yé. Zəna zɔ̀mɛ̀ rɛ́ rə̀myɛ́ á mʼá sɛ̃ dwã nɛ ǹdə́ sónó.

Lwarna bə̀ kɔn dɛ̀bɛ́ á yala nɛ́ shilə né nʼê yâl mɔ́, Eshirhə náàcɛ̀nɛ́ tʼâ yâl lɛ yé. Tɛ̀bɛ́ Eshirhə náàcɛ̀nɛ́ myɛ nʼê yâl mɔ́, á yala nɛ́ shilə né tʼâ yâl lɛ yé. Yala nɛ́ shilə né ǹdə́ Eshirhə náàcɛ̀nɛ́ nʼê bwí dwã. Wɔ́ rə̀myɛ́ è ce, cɛ̀nɛ̀ rɛ́ á nʼá yâl á wɛ̀rhɛ́ mɔ́, á wàr rɛ̀ sʼá wɛ̀rhɛ́ yé.

Kɔn dɛ̀bɛ́ Muyiisi nyə́ né nʼê byili mú gakó ŋwɛ́nɛ́ zɔ̀mɛ̀ rə̀dù wẽ́. Zɔ̀mɛ̀ rɛ́ rə̀myɛ́ nʼê wə̀lə̀: “Swéné ǹ dõ ǹdə ǹ cìcì ta.”

Nə́ bə̀kʼá yə̀ cìn-byilu cìnə́ yé. Nə́ bə̀kʼá bú dwã yé, sə nə́ bə̀kʼá dùr dwã bwɛ̃̌ myɛ yé.

Kristə zwẽ nə́ba, mùnì ga nə́ cìní nə́ cìn zhə̀n zhə̀nà. Rə̀myɛ́ ce, zhǐnə kẽkẽ, á bə̀kʼá shɛ̀nɛ́ á kʼá ce á cìn yómdé jɔ̃̀ w yé.