Popular Bible Verses from Efɛɛzɛ 4

Share

Wɛ̀rhɛ́na cɛ̀nɛ̀ dwã nɛ, sʼá zə wu-bɔ̀nɔ̀ ǹdə́ dwã. Pəna dwã sǔbri ǹdə Yi gə́ tó Kristə dɛnnɛ rə pə ába sǔbri ní.

Yálna cìn-lwəl ǹdə́ wu-bɔ̀nɔ̀ ǹdə́ cìn-pyɔ́nɔ́ cìnə́. Swénénə dwã, sʼá zə cìn-pyɔ́nɔ́ ǹdə́ dwã.

Zɔ̀mà nyɛ̀bɛ́ nə̀ bə càn bə mə̂ sə nə shí á nyú w yé. Zɔ̌mna zɔ̀mà nyɛ̀bɛ́ nə̀ zhe kùr nə̀ wɔ̌ nə̀ bʼa sɛ̃ lyì bí byɛ̀bɛ́ á nʼá zɔ̀m nɛ̀ á byili mú ni, mùnì ga bə̀ Yi-ni-zhú mú jàn dɛ́ súlí.

Lò gə wɛ̀rhɛ́ ába lwɛlɛ, sʼá bə̀kʼá cĩ́ di á wẽ́ yé. Á bə̀kʼá kwè lyim, á bʼá pupwiri tɛ̃´ yé. Á bə̀kʼá bya dwã yé, á bə̀kʼá tùrh dwã yé. Dɛ̃̌na á cìn ǹdə́ wu-bárhɛ́ tùntwə̃̀ə̃̀ dwí gakó.

Á lyimə gə tú è zɛ̃̀ yi ní, sʼá bə̀kʼá wɛ̀rhɛ́ yə̀-bəlɔ̀lɔ́ yé. Bá á gə kwè lyim myɛ, sə yi bə̀kʼá zù ǹdə́ rə̀ gwẽ̌ nʼê yì yé. Á bə̀kʼá pə bɔ̀l Shətana nɛ e zù á wẽ́ yé.

Á mə̂ sʼá yẽ̌ á shãã ga tùntwə̃̀ə̃̀ né ne. Wɔ́ á yò zhìlù jàà w tùntwə̃̀ə̃̀ né nə̀myɛ́ yʼà zə ába nə̀ la nɛ́. Yẽ̌nə ne ǹdə lò gə́ yʼâ ji ǹ yala gɔ̀nɔ̀ kɔ̀bɔ́ ò kʼô bə càn myǐn ní. Yẽ̌nə Yi Eshirhə y pyìrhí á surhə né ǹdə è gə́ nʼê yâl nɛ́. Yálna lyì-dùlə̀, ǹdə wɔ́ kàmə̀-zù-dùrh á zù ta. Lyì-dùlə̀ bé bə̀myɛ́ mɔ́ wɔ́ Yi rə̀ wɛ̀rhɛ́ bɛ ǹdə rə̀ gə́ nʼê yâl nɛ́. Bə̀ tó zhə̀n dɛ́ dɛnnɛ bə jǐrh Yi lyì, wu-cángá cìnə́.

Cenə jàn nɛ́ á tó yə̀-zùlə́ né nə̀ co ába dwã nɛ́ mɔ́ dɛnnɛ á zə nyì-dwìì rí tɛ̀bɛ́ rə̀ nʼê shí Eshirhə náàcɛ̀nɛ́ sõ mó.

Wɔ́ ńmyɛ̌ ń tə̀l pansɛ́ n pə lò gakó ne. Ń ce lyì jàlà wɔ́ ń tùntúmə́, jàlà wɔ́ Yi nyì-zwennə, jàlà wɔ́ yò-ècɔ̀nɔ̀ nyí rí bwə̀lnə̀, jàlà nʼê nyǐ ń gùlú w lyì bí yò e jà bə̀ nʼê byili Yi zɔ̀mɛ̀ rɛ́. Ń pɔ pansɛ́ sə̀myɛ́ mɔ́ ń lyì bí ni mùnì bə ŋwɛ̀nɛ́ bə twĩ̀ ń tum dí cɛ̀nɛ̀. Èta, gùlú w ò wɔ́ ń yala nɛ́ mɔ́ mʼa vò yé né. Èta, nə́ gakó bʼâ jǐrh kɔn rə̀dù nə́ Yi-ni-zhú mú ǹdə́ Yi Byǐ mú pár lwar mɔ́ ga wẽ́, nə́ yə̀ námpwə̀lə́ Kristə wẽ́, nə́ yə̀ ǹdə ń ta námpúm.

Nə́ kʼé tʼá la yál ǹdə bə̀sɔ́ná ta, sə bə mʼe yə́yɛ́lɛ́ nə́ba dɛ̃̌ ǹdə zho nánfɔ̀lɔ̀ gə́ yʼa zə bǔ-bwəl o mʼo vò, ò gə́ zâ má ta yé. Èta, lyì bí byɛ̀bɛ́ bə̀ nʼê gòm kɔma mɔ́ kʼê wàr nə́ba bə̀ la jə́jɔ̀rɔ́ ǹdə́ zɔ̀mà dwí tə̀ltə̀l yé. Sə nə́ gə nʼé byili zhə̀n nə́ dwã bɛ́ nɛ ǹdə́ sónó, nə́ bʼâ byì kɔn gakó wẽ́ nə́ jǐrh ǹdə Kristə ta. Wɔ́ ńmyɛ̌ ń wɔ́ ń lyì bí gùlú w yó wə́.