Popular Bible Verses from 2 Pyɛɛrɛ 1

Share

Yi gə́ wɔ́ jàn cə́bal mɔ́ ce, rə̀ pɔ nə́ba kɔn dɛ̀bɛ́ gakó rə̀ bʼa ce nə́ zhì nə́ nà y yó nə́ zhí rə̀myɛ́ nɛ, sə nə́ zə myə̂l. Rə̀ ce nə́ lwar mɔ̀bɔ́ ń byẽ̀ nə́ba mùnì nə́ nə ń zùwə́ y ǹdə́ ń cɛ̀nɛ̀ rɛ́ mɔ́ gə́ wɔ́ nɛ́. Èta, Yi pɔ nə́ba rə̀ cɛ̀nɛ̀ pansɛ́ nánfwààlɛ́ rə̀ yʼà bwəl nə́ba sə̀ nyí mú. Wɔ́ cɛ̀nɛ̀ pansɛ́ sə̀myɛ́ mɔ́ dɛnnɛ á bʼâ tó né á yẽ̌ shilə námməlwâlsɛ́ sə̀ ŋwɛ́nɛ́ sə̀ nʼê zhìlì lyì bí yò lũ w wẽ́ mó ne, á wu yə̀ òdù ǹdə́ Yi cìcì.

Rə̀myɛ́ ce, cenə jàn nɛ́ á twĩ̀ tùm-ècɛ̀nà á súlí á Yi-ni-zhú mú ni. Á gə nʼá twĩ̀ tùm-ècɛ̀nà, sʼá lwar Yi pùbùlə̀ né myɛ á súlí. Á gə lwar Yi pùbùlə̀ né, sʼá yə̀ cìn-zal cìnə́ myɛ á súlí. Á gə wɔ́ cìn-zal cìnə́, sʼá yə̀ cìn-pyɔ́nɔ́ cìnə́ myɛ á súlí. Á gə wɔ́ cìn-pyɔ́nɔ́ cìnə́, sʼá zhí Yi ni ǹdʼá wun gakó á súlí. Á gə zhí Yi ni ǹdʼá wun gakó, sʼá wɛ̀rhɛ́ cɛ̀nɛ̀ ǹdə́ dwã á súlí, sʼá swéné dwã.

Á gə wɔ́ rə̀myɛ́ gakó cìnə́ kɔn yí, rə̀ bʼa pə ába yə̀wâl rə ce á kwɛrhɛ á lwar nə́ Cinu Yezu Kristə párá.

Da-byâ, Yi cír ába, rə byẽ̀ ába. Rə̀myɛ́ ce, cenə jàn nɛ́ á zhì á nà y yó á shɛ̀ rə̀ byə̀l lé twéé twéé. Á gə nʼá wɛ̀rhɛ́ èta, á tʼá la tɛ̃´ tu gaga yé.