Popular Bible Verses from 1 Pyɛɛrɛ 4

Share

Sə kɔn du, swénénə dwã ǹdʼá wun gakó, bə̀ sónó nʼô vùr yə̀-bəlwàálɛ nánzhəzhɔ̌.

Yálna tùntùnnə̀ nántwə̂rh, sə lò gakó zə pɛnɛ́ y kɛ̀bɛ́ Yi pɔ mɔ́ mɔ́, ń mə́ sɛ̃ ǹ dõ ne náàcɛ̀nɛ́.

Lò mɔ̀bɔ́ ǹ zhe Yi zɔ̀mɛ̀ rɛ́ bwə̂l pɛnɛ́, ǹ mə̂ sə́ bwə̀l lè ń byili lyì bí ni; lò mɔ̀bɔ́ ǹ zhe lyì bí ni sãɔ̃ pɛnɛ́, ǹ mə̂ sə́ sɛ̃ bɛ ǹdə́ jàn dɛ́ tɛ̀bɛ́ rə̀ nʼê shí Yi sõ mó; mùnì ga Yi nə zùwə́ kɔn gakó wẽ́, Yezu Kristə jàn yilə. Wɔ́ rə̀myɛ́ rə̀ cǐ còrhó ǹdə́ jàn, byinə nə̀ bə zhɔ̌ zhe yilə! Amɛ̀n!

Bə̀ gə nʼê nwɛ̀nɛ̀ mɔ́ ǹ gə́ wɔ́ Kristə-lò mó yilə, sə bə̀ká dùr cìzhìl yé, sə́ ce Yi nə̀báná, bə̀ gə́ nʼê zə Kristə yil lé bə̀ byẽ̀ mó mó yilə.

Lũ zhɔ̌ bwəlse. Rə̀myɛ́ ce, pyâna surhə nyɛ̀bɛ́ nə̀ càn. Dɛ̃̌na á cìnə̀, mùnì ga á ŋwɛ̀nɛ́ á ce Yi.

À dɔwabá nántwə̂rh, á ŋwɛ́nɛ́ myìn-zhù wẽ́ á nʼá nwɛ̀nɛ̀, sʼá yě rə̀ nyí ni. Rə̀ də̀ kɔ̀-jàrmà yé. Nɔ̀nɔ̀ w òmyɛ́ mɔ́ bʼa ce lyì bí lwar á gə́ mə̂ nɛ́. Fǔnə ǹdə́ wu-nyɔ̃̀ á gə́ tó Kristə ne á nwɛ̀nɛ̀ mɔ́ yilə. Ń zùwə́ y gə tú è duwə, á bʼâ fùù ǹdə́ wu-nyɔ̃̀ nánfɔ̀lɔ̀ kɔn dwini.

Zwẽnə dwã zhəəle, sə ŋwɔ́ŋwɔ̌ bə̀kʼa yə̀ nɛ́ yé.

Wɔ́ rə̀myɛ́ è ce, byɛ̀bɛ́ bə̀ nʼê nwɛ̀nɛ̀ bə̀ gə́ nʼê wɛ̀rhɛ́ Yi pùbùlə̀ né mó yil mó mə̂ sə bə jʼâ nʼê wɛ̀rhɛ́ cɛ̀nɛ̀ gaga, sə bə ce bə̀ cìn námpúm bə̀ wârhna mɔ́ jɔ̃̀ wà; bə̀ ń wɔ́ zhə̀n-cí.

Kristə yàl numbyíní, n nwɛ̀nɛ̀. Rə̀myɛ́ ce, ámyɛ cenə jàn nɛ́ á kwè ń nà, sʼá lwar náàcɛ̀nɛ́ bə̀ numbyíní kɛ̀bɛ́ è nwɛ̀nɛ̀, rə̀-ná-cí du yə̀-bəlɔ̀lɔ́ wẽ́. Wɛ̀rhɛ́na Yi pùbùlə̀ dwã nɛ́ nyɛ̀bɛ́ nə̀ dàl á la wɔ̀rhɔ́ cɛ yó mó wẽ́, sʼá bə̀kʼá shɛ̀nɛ́ numbyíní shilə námməlwâlsɛ́ yò yé.

Lyì bí gə nʼê tùrh ába á gə́ wɔ́ Kristə-lyì mú yilə, á bʼâ yə̀ wu-nyɔ̃̀ cìnə́, bə̀ Yi Eshirhə y è wɔ́ zùwə́ cí mú só á yó.