Popular Bible Verses from Romaanos 4

Share

Tul jitoq ibʼan Avraʼaam kaʼl ikʼuul tiʼ iqeex kam u yol uvaʼ tal quBʼaal Tiuxh s-te tiʼ itxhej vaʼl ikʼaol. Pet aʼl inuqtxakbʼat Avraʼaam u kʼuqlebʼal ikʼuul tiʼ quBʼaal Tiuxh. Tul toksa Avraʼaam iqʼij quBʼaal Tiuxh. Tan tira txhabʼamich vet ikʼuqeʼv ikʼuul Avraʼaam tiʼ quBʼaal Tiuxh, tiʼ uvaʼ yeʼxhkam invaʼq tzaʼl ibʼanax vatz quBʼaal Tiuxh tiʼ inimal kam uvaʼ laʼ tala.

Tul ech uvaʼ tzʼibʼamal ka t-viyolbʼal quBʼaal Tiuxh s-eche: —Toq vaqʼ bʼen axh sibʼaal mamala vatzul tenam, inqʼa yaʼn toq txheoq vatz u txʼavaʼ, —xeʼt quBʼaal Tiuxh te Avraʼaam. Tul ikʼuqbʼa Avraʼaam ikʼuul tiʼ quBʼaal Tiuxh, uvaʼ nik aqʼon qʼij isaq inqʼa kamnaʼq, atz u quBʼaal Tiuxh, uvaʼ tuchʼ kuxh talt viyol, tul nik iviiqixsa inqʼa kam uvaʼ kʼuxh yeʼxhkam ati poro at vet s-vatz.{*}

Tan tiʼ itxhoox inqʼa qupaʼv, tul ikuyvat quBʼaal Tiuxh toksal u quBʼaal JesuKriisto tiqʼabʼ inqʼa xaol tiʼ iyatzʼax el. Tul tiʼ uvaʼ jit vet oʼ aj paʼvom vatz quBʼaal Tiuxh laʼ ibʼana. Tul titzʼeʼvsa quBʼaal Tiuxh u quBʼaal Kriisto, kʼuxh maʼtich ikam veteʼ.

Iqejetz Avraʼaam viyol quBʼaal Tiuxh, tul itxʼebʼ Avraʼaam telaʼpun kam viyol quBʼaal Tiuxh uvaʼ tal s-te tiʼ itxhej ikʼaol, kʼuxh nikich til veteʼ uvaʼ yeʼlich laʼ utxh itxhej vet initxaʼa. Echetz tiʼ vitxʼebʼt Avraʼaam, tul tetxhal bʼen Avraʼaam sibʼaal mamala vatzul tenam. Tul antxhtuʼ. Tan ex elaʼpunoq kam uvaʼ tal quBʼaal Tiuxh s-te. Tan ech tal quBʼaal Tiuxh s-te s-eche: —Tul yeʼl s-atxhel inqʼa avij amam laʼ ibʼana, —xeʼt quBʼaal Tiuxh te Avraʼaam.

Echetz nik valte sete uvaʼ tiʼ u kʼuqlebʼ kʼuul tiʼ quBʼaal Tiuxh, tul taltziivat taqʼax u mam bʼaʼnil, tiʼ uvaʼ jit vet aj paʼvom inqʼa xaol vatz quBʼaal Tiuxh laʼ ibʼana. Aleletz vet ka taʼn quBʼaal Tiuxh uvaʼ, tetxhalxh laʼ taqʼ u mam bʼaʼnil te jankʼal inqʼa tij imam Avraʼaam. Tul oy kuxh laʼ taqʼvat. Tul jitetz kuxh taʼn vet tanul xaol laʼ kʼulun u mam bʼaʼnil, inqʼa nimamal inqʼa bʼekʼbʼal taʼn, pet tzum vet laʼ motx ikʼult inqʼa xaol u mam bʼaʼnil tuchʼ inqʼa nik kʼuqbʼan ikʼuul tiʼ quBʼaal Tiuxh kʼuxh jit tij imam Avraʼaam. Tan antxh vet nik motx ibʼan, eche uvaʼ ibʼan Avraʼaam. Tan eela kuxh vet nik motx ikʼuqbʼataq ikʼuul tiʼ quBʼaal Tiuxh, eche vikʼuqbʼat Avraʼaam ikʼuul tiʼ quBʼaal Tiuxh. Tul echetz vet tatin Avraʼaam, eche vaʼq bʼaala s-quvatz s-qukaqaayil.

Tan ech tal Daviid s-eche: —At ibʼaʼnil quBʼaal Tiuxh kʼatz inqʼa xaol, inqʼa kuyel vet inqʼa ipaʼv taʼn quBʼaal Tiuxh, atz inqʼa yeʼl vet vipaʼv laʼ tulsa quBʼaal Tiuxh s-kʼuul. Atz at vibʼaʼnil quBʼaal Tiuxh kʼatz u xaol, uvaʼ yeʼl vet inqʼa ipaʼv qat toksa quBʼaal Tiuxh s-tuul, —chich u yol.

Tan ech nik tal viyolbʼal quBʼaal Tiuxh uvaʼ tzʼibʼamal ka s-eche: —Ikʼuqbʼa Avraʼaam ikʼuul tiʼ quBʼaal Tiuxh, tul aʼ uvaʼe, toksa quBʼaal Tiuxh s-tuul tiʼ uvaʼ jitich vet aj paʼvom Avraʼaam vatz quBʼaal Tiuxh, —chich u yol.