Popular Bible Verses from Santiaago 4

Share

Echetz oksavaq ok etibʼ jaqʼ vibʼekʼoʼm quBʼaal Tiuxh tiʼ inimaleʼ. Tul tij ex ebʼan vatz u diaavlo tiʼ kam inqʼa kantxhaq uvaʼ nik isaʼeʼ laʼ ebʼana, echetz toq itzʼeqt tibʼ u diaavloe sevatz.

Tul aʼ ejetxhvat ok etibʼ kʼatz u quBʼaal Tiuxh, echetz toq ijetxhtoʼk tibʼ quBʼaal Tiuxhe sekʼatza. Atz jatvaʼl ex, uvaʼ, aʼ u paʼv nik ebʼaneʼ, tul bʼanvaq etutxh vatz u quBʼaal Tiuxh, eche nik ibʼan invaʼq xaol tiʼ itxʼajt iqʼabʼ tiʼ teleʼl u tzʼil. Atz kʼuxh ex inqʼa kaʼl kuxh ekʼuul, bʼanvaq etutxh vatz quBʼaal Tiuxh. Tul txʼajvaq vetaanima vatz quBʼaal Tiuxh, eche nik isujux el invaʼq tzʼil tuul invaʼq kam tiʼ ibʼen s-saq.

Iqʼovaq kuʼl etibʼ vatz u quBʼaal Tiuxh, aʼetz vet u quBʼaal Tiuxh toq oksan eqʼij.

Tan sibʼxh u bʼaʼnil uvaʼ aqʼel s-qe taʼn quBʼaal Tiuxh tiʼ qulotxhoxeʼ. Echetz s-tiʼile ech nik tal val u yol uvaʼ tzʼibʼamal ka t-viyolbʼal quBʼaal Tiuxh s-eche: —Tira yeʼ nik ikʼul tibʼ taanima quBʼaal Tiuxh tuchʼ inqʼa nik motx toksa iqʼij. Pet koq inqʼa nik tiqʼo kuʼl tibʼ vatz quBʼaal Tiuxh, tan tira nik taqʼ quBʼaal Tiuxh vibʼaʼnil s-te, —chich u yol.

Jaʼletz u xaol uvaʼ tootzaq veteʼ uvaʼ, aʼ u bʼaʼn laʼ ibʼana, tul oqetz yeʼ nik ibʼaneʼ, paʼvetz vete nik ibʼan s-eche.

Atz kʼuxhetzxh nik motx etabʼi te quBʼaal Tiuxh, poro yeʼ nik motx ekʼuleʼ, tiʼ uvaʼ tan, aʼ kuxh vetetz nik etoksa s-tiʼ. Tan ajtetz qat aqʼax sete, tul aʼ qat esotzsavat tiʼ kam uvaʼ nik etatxhva tiʼ etoksat eqʼij.

Echetz jit kʼuqlebʼal kʼuul ex vatz u quBʼaal Tiuxh, eche invaʼq u xaol uvaʼ nik iyansa tibʼ tuchʼ uvaʼ jitich ikʼulel tibʼ s-tuchʼ. Tan etootzaqle tiʼ jaʼl uvaʼ, aʼ nik bʼenk taanima tiʼ ibʼanax inqʼa paʼv uvaʼ nik ibʼan inqʼa xaol vatz u txʼavaʼ, inqʼa yeʼ ootzaqin tetz quBʼaal Tiuxh, tul aʼetz uvaʼe, at txhiʼtxhoil s-xoʼl tuchʼ quBʼaal Tiuxh.

Poro yeʼetz laʼ utxhi, ech laʼ etale, tan yeʼ etootzaqle matz itzʼlel ex s-eqal. Tan tira yeʼ etootzaqle jankʼat qʼij esaq ati. Tan ech kuxh u qʼij esaq, eche suʼtzʼ uvaʼ bʼiil kuxh nik ul ibʼaneʼ; tul ajt kuxh qat ilixi uvaʼ yeʼxhkam veteʼ.