Popular Bible Verses from Fìlíkpò ŋa 2

Share

È máa tse iŋɛ́-kã̀ kpókpó òŋu ìsérè-e ń ɖugbã̀-nɛ nàmí òŋu ìsérè-ká rí ní ɛ̀ŋɛ ní dzɛ́ bɛ́ɛ̀#ɛ́ nákpotu gé. Kà kàa bɛ́ɛ̀, è náa wà tɛ ara-ŋɛ́ bɔlɛ̀, tsí e wà rí ɛnɛ-àtíbɔ̀ ŋa ní à lárè ŋɛ́. Tsí e máa wà wo ti ara-ŋɛ́ gé. Ó ɖi, e wà wo ti ɛnɛ-àtíbɔ̀ ŋa gbo.

È lìlò ńǹrɔ́-kíbí Yèésù Kírísítò lò gbà wáa lɔ ɛ́.

Kírísítò òŋu#ɛ́, ìlò‐ɛ̀ òŋu ìlò-Ɔ̀ɖáyé méèdzì dzɛ́ ɔ̀kã̀ntso si, tsí òŋu Ɔ̀ɖáyé méèdzì ɖé bá ara-ŋa ńŋɛ́ ɔ̀kã̀lɔ́ɔ̀kã̀ kpó. Ó ɖi, kò sì le oŋù ní òŋu Ɔ̀ɖáyé méèdzì àŋa ɖé. Kà kàa bɛ́ɛ̀, ó kɔ ìɖì‐ɛ̀ dzɔ̀ɔ́ nákpálà-kã̀. À bíi nɔ́ɔ̀nyà, tsí ó dzɛ́ ní òŋu kó gba ìɖì-arú. Ńǹwèrè yèé ó wáa ɖi ɔ̀nyà#á, ó tɛ ara‐ɛ̀ bɔlɛ̀. Ó gbɔ̃́ɔ̃̀rã̀ fú Ɔ̀ɖáyé títí dzɛ́ ní òŋu kó kú. Ikú‐ɛ̀#ɛ́, à kã̀ã́ si ńǹtá-egi-ìɖáàgàlàdzà† ni.

Ó ɖi, òŋu ní wà tsitsɛ́ náàŋírĩ-ŋɛ́#ɛ́. Ó wà tse tsí è náa wà wò ní àŋa kó wà tse iŋɛ́ yèé náa dzɔdzú‐ɛ̀ ŋa#á, tsí náa wà tse gbo, tsí è náa wà tse ŋá.

Àtsùgbée bɛ́ɛ̀#ɛ́, Ɔ̀ɖáyé mú ìɖì yèé kpeéwo#ɛ́ bɔwɔ́‐ɛ̀, tsí fúu nɛ́kɔ yèé kpeéwo fú ɛ́kɔ ɔ̀kã̀lɔ́ɔ̀kã̀ kpó#ɛ́. Ó tse bɛ́ɛ̀, àtsùgbée iŋɛ́-àyɛ̀ ŋa kpó, yèé ŋa wà nɔ́ɔ̀rɔ̃ gbo, yèé ŋa wà ńǹtalɛ̀ gbo òŋu ńnɔ́-ilɛ̀ gbo, bí à wà gbɔ́ ɛ́kɔ-Yèésù ná, ni ká wà kálɛ̀, tsí wà sɛ̃̀ɛ̃́, tsí àŋa kpó ká wà fɔ̀ ní Yèésù Kírísítò dzɛ́ Ɔlɔ́dzɔ́, tsí wà ń nya iyì-Ɔ̀ɖáyé Boba ɖíre.

È tse iŋɛ́ kpó náàrì kpɔ̀kɔ̃̀ɔ̃́rɔ̃̀, náàrì dzìnyà, tsí ìlò-ŋɛ́ gbo kó má, tsí ɔ̀nyà ŋa gbo kó máa bá ŋɛ́ fɔ̀. Ɔma-ìsɛ̃̀ɛ̃́ ŋa náa wà tse íbàɖí-ìrɔ́-ɔ̀kã̀lɔ́ɔ̀kã̀ kpó. Ó ɖi, è nákó dzɛ́ Ɔma-Ɔ̀ɖáyé ŋa, tsí íbàɖí-kã̀ kpókpó kó máa gbɛ̃ɛ̃́rĩ́ ìlò-ŋɛ́. Tsí è nákó dzɛ́ kãnɖé fú ɔma-ìsɛ̃̀ɛ̃́ ŋa si.

Ńbɛ̀ɛ́, àrínódzú-mi ŋa, ó wà ní e wà gbɔ̃́ɔ̃̀rã̀ fú Ɔ̀ɖáyé làkóò kíbí è ti wà tseé dzɔ̀ɔ́ dzɔ̀ɔ́ ńǹwèrè yèé ǹ wà ńɖi-ŋɛ́ si#ɛ́, tsí ó wà ní e wà gbɔ̃́ɔ̃̀rã̀ fúu lárè bɛ́ɛ̀ ró náànyì-mi ńǹkɛ̀ɛ́. È nɛ́ àrísá fú Ɔ̀ɖáyé, tsí e wà ŋá kpó kpàkpàkpà, tsí iŋɛ́ yèé ŋa nákó nyà ɖíre ní Ɔ̀ɖáyé wà gbà ŋɛ́ là#á, è wà tse ŋá dzálɛ̀.