Popular Bible Verses from Hèbérù ŋa 6

Share

Iŋɛ́ yèé àa módzú si nɔ́ɔ̀nà si fú#ɛ́ mú àyɛ̀-wa ŋa ɖóro si ɖíŋúú kíbí ekìkã̀ náa mú ɛrã ɖóro si bɛ́#ɛ́ ni. Tsí ó wɔlé-Ɔ̀ɖáyé yèé wà nɔ́ɔ̀rɔ̃#ɛ́ lɔ, tsí kɔ atsɔ-ìbònà#á dzɔ̀ɔ́, tsí lɔ títí ńǹɖòɖò-ilé#ɛ́ ńbí Ɔ̀ɖáyé wà#á.

Ɔ̀ɖáyé náa tse òtítɔ́, kàkó gbàgbé iŋɛ́ yèé è tse ŋa#á láyé. È mɔ́wɔ́ gbè fú ɛnɛ yèé ŋa dzɛ́ ti Ɔ̀ɖáyé#ɛ́ wáa lɔ, tsí è tɔ́ wà mɔ́wɔ́ gbè fú ŋa si làkóò ró. Kíbí è tse bɛ́ɛ̀#ɛ́, ó wà nyà ŋà ní è nɛ́ àmúɖɔ̃̀ fú Ɔ̀ɖáyé, tsí Ɔ̀ɖáyé kàkó gbàgbé láyé.

Ó tse bɛ́ɛ̀, tsí kó ń ɖáàmí le wá ni. Ó tàlé, tsí kpe òŋu ká‐ɛ̀ si ńǹtá‐ɛ̀. Tsí kíbí àa mà ní Ɔ̀ɖáyé kà rúnɛ láyé#ɛ́, àa nɛ́ àkaralé ní iŋɛ́ méèdzì yèé ó tse nyɛ̀ŋɛ̀ ŋa#á kàkó kpàrɔ̀ láyé. Àa sá lɔ káà ɖúkù ńɖɔ̀‐ɛ̀ ní kó tsɛ́wé bò wá, tsí àlé yèé ó ta, tsí kpe òŋu ká‐ɛ̀ si ńǹtá‐ɛ̀#ɛ́ wà ɖáàmí le wá kũkũ ní iŋɛ́ yèé ó ń si ńwádzú si fú wa, tsí àa módzú si nɔ́ɔ̀nà si ní àa nákó gbà nɔ́wɔ́‐ɛ̀#ɛ́, àa kó tsákìí banɛ́ kũkũ.

Ńbɛ̀ɛ́, àa kó kɔ ɛ̀kɔ́-àtsɛ̃̀tsɛ̃̀ ti nára-Kírísítò dzɔ̀ɔ́ nákpálà-kã̀ tã́ná, tsí ká lɔ ńwádzú. Àa kó lɔ ńwádzú, tsí àa kó gba ɛ̀kɔ́ yèé nákó tse tsí àa nákó nyáa ɖonùgbó ńnɔ́-àkaralé#ɛ́. Dzɔ̀ɔ́ dzɔ̀ɔ́#ɛ́, àa tsɛ̀kɔ́ fú ŋɛ́ ní iŋɛ́ yèé kò nɛ́ èrè-kã̀ kpókpó, tsí náa bí ikú fúnɛ ŋa#á, e kɔ̀ ŋá dzɔ̀ɔ́, tsí e nyíìlò kpaɖà, tsí e nɛ́ àkaralé si ńǹtá-Ɔ̀ɖáyé.