Popular Bible Verses from Hèbérù ŋa 1

Share

Iyì-ɔma#á wà nya kíbí Ɔ̀ɖáyé nɛ́ iyì tó gbà#á ɖíre, tsí bí ò rí ɔma#á gé ni ò rí kíbí Ɔ̀ɖáyé wà gbà tútútú#ɛ́ ńnɛ̀ɛ́. Náa wà wíìnyɛ̀ òŋu ikpá, tsí ó tse tsí iŋɛ́ ɔ̀kã̀lɔ́ɔ̀kã̀ kpó wà si làkóò làkóò. Ó tse tsí Ɔ̀ɖáyé kó nyáa mú àbi-ɔ̀nyà-ayé yèé ŋa, tsí ń tɔrɛ fú ŋa, tsí náànyì-bɛ́ɛ̀#ɛ́, ó ǹɖe lɔ nɔ́ɔ̀rɔ̃, tsí lɔ káà dzokó náàwóòtã́-Ɔ̀ɖáyé Olíkpá ɔ̀kã̀lɔ́ɔ̀kã̀ kpó.

Ɖzɔ̀ɔ́ dzɔ̀ɔ́#ɛ́, Ɔ̀ɖáyé gbà ńǹtá-agbáfɔ̀-Ɔ̀ɖáyé fɔ̀† ŋa, tsí wíìnyɛ̀ fú gbágbóǹgbàgbò-wa ŋa. Náa gbà nɔ́ɔ̀nà kpíkpɔ̀, tsí wà wíìnyɛ̀ fú ŋa làkóò làkóò. Ó ɖi, ńǹtã̀ntã́-ayé yèé àa wà si báàyí#ɛ́, ó gbà ńǹtá-Ɔma bíbí‐ɛ̀, tsí wíìnyɛ̀ fú wa. Ńǹtá‐ɛ̀ ní ó gbà, tsí ɖá ayé gbaŋgba#á kpó#ɛ́, tsí òŋu ké ní ó tsã̀, tsí mú iŋɛ́ ɔ̀kã̀lɔ́ɔ̀kã̀ kpó bɔwɔ́#ɛ́.

Adzítsɛ́-ɔ̀rɔ̃ ŋa òŋu#ɛ́, à wà tsitsɛ́ fú Ɔ̀ɖáyé, tsí wà sɛ̃̀ɛ̃́ gé ni. Ɔ̀ɖáyé náa wà bɛ̀ ŋá wá ńǹtalɛ̀#ɛ́ fú ɛnɛ yèé ŋa nákó gbà là#á, tsí ká wáa mɔ́wɔ́ gbè fú ŋa.

Tsí ó tɔ́ fɔ̀ fú Ɔma bíbí‐ɛ̀ ró ní: “Ɔlɔ́dzɔ́, ìwɔ ní ɖá iŋɛ́ ɔ̀kã̀lɔ́ɔ̀kã̀ kpó ńǹkpìnkpìlɛ̀#ɛ́. Ò mú ɔwɔ́-ɛ̀ɛ, tsí ń tse ilɛ̀ òŋu ìgbèrí. Iŋɛ́ nyɛ̀ŋɛ̀ ŋa nákó wáa ra kpó. Ó ɖi, ìwɔ òŋu, ò wà si títí lɔ náàrìtã́. À nákó gbó, tsí ya kpó nyɛ́gbɛ̃́nyɛ́gbɛ̃́ kíbí ìwɔ̀ra gbígbó bɛ́