Popular Bible Verses from 1 Tìmɔ̀té 1

Share

Yèésù Kírísítò wá ńǹtalɛ̀ bí, tsí kó wáa gba adzàbi ŋa là ni. Afɔ̀ nyɛ̀ŋɛ̀#ɛ́, àkaralé wà ńnɛ̀, tsí ó dzɔ ní ɔ̀nyà kpó kó gbàá gbɔ́. Tsí náàŋírĩ-adzàbi ŋa kpó#ɛ́, èmi ní dzɛ́ adzàbi lárè#ɛ́.

Àtsùgbée bɛ́ɛ̀ gìɖì ní Ɔ̀ɖáyé rí ànyínɔ́ fú mi#ɛ́. Ó tse bɛ́ɛ̀, tsí Yèésù Kírísítò kó nya kíbí náa nɛ́ àtɛ̀si tó#ɛ́ ɖíre fú ɔ̀nyà ŋa. Tsí èmi yèé dzɛ́ adzàbi lárè#ɛ́, kíbí Ɔ̀ɖáyé gbà mí là#á, ǹ ɖi ɔ̀nyà ká rí tse fú ɔ̀nyà kpó, fú ɛnɛ yèé ŋa nákó wáa gba Yèésù gbɔ́, tsí rí àyɛ̀-àrìtã́#á.

Ǹ wà wí afɔ̀ yèé fɛ́ɛ, àtóoríi e nɛ́ àmúɖɔ̃̀ fúnɛ. Sídzó sídzó-kã̀ kó máa wà nɛ́ɛ̀ɖɔ̃̀-ŋɛ́, tsí ìsérè-ŋɛ́ gbo kó wà ńǹtá-Ɔ̀ɖáyé òŋu níìkã̀ntso, tsí e nɛ́ àkaralé si ńǹtá-Yèésù gbo inɔ́ tã̀ã́, ànyì tã̀ã́. Àmúɖɔ̃̀#ɛ́ kó wà ti ńnɔ́-iŋɛ́ nyɛ̀ŋɛ̀ ŋa.

Ɔ̀ɖáyé, ìwɔ ní wà dzoyè títí lɔ náàrìtã́#á. Ìwɔ ní dzɛ́ Ɔ̀ɖáyé ɔ̀kã̀ntso, tsí ò kà kú láyé, tsí odzú gbo kà ríɛ#ɛ́. Ǹ wà kíɛ, tsí ǹ wà wúùre ní ɔ̀nyà kpó kó sɛ̃̀ɛ̃́, tsí ɔ̀nyà kpó kó wà nyɛ̀ɛ́ títí lɔ náàrìtã́. Ɛ̀tsɛ.

Tsí ká mà gbo ní Ɔ̀ɖáyé kò ɖá ɛkpa fú atsòtítɔ́ ŋa. Ɛnɛ yèé ŋa nya ɛkpa#á kãdzú, tsí à kò wà rɛ̃̀ si ńnɛ̀#ɛ́ ní ó ɖá ɛkpa fú#ɛ́. Adzàbi ŋa, ɛnɛ yèé ŋa kà rí Ɔ̀ɖáyé sá#á, àŋa ní ó ɖá ɛkpa#á fú#ɛ́. Ɛnɛ yèé ŋa wà si fú iŋɛ́-ayé ŋa gé, tsí à kò wà sɛ̃ Ɔ̀ɖáyé#ɛ́, ó ɖá ɛkpa#á fú ŋa. Ɛnɛ yèé ŋa náa kpa boba-ŋa nàmí ìnà-ŋa nóòkú#ɛ́ òŋu akpanɛ nóòkú ɔ̀kã̀lɔ́ɔ̀kã̀, ó ɖá ɛkpa#á fú àŋa gbo. Ɔ̀nyà-àlòwá ŋa gbo, ɔnɔkɛ̃̀ɛ̃ yèé náa wà sũ̀ bá ɔnɔkɛ̃̀ɛ̃ ŋa#á òŋu ɔnɔbɛ̃̀ɛ̃ yèé náa wà sũ̀ bá ɔnɔbɛ̃̀ɛ̃ ŋa#á gbo, ó ɖá ɛkpa#á fú àŋa gbo. Atsole-ɔ̀nyà tà ŋa gbo, atsòɖòbò ŋa òŋu ɔ̀nyà ɔ̀kã̀lɔ́ɔ̀kã̀ yèé náa wà tse iŋɛ́ yèé kò ɖé bá ɛ̀kɔ́-òtítɔ́#ɛ́ gbo, ó ɖá ɛkpa#á fú àŋa gbo. Àtsùgbé-ɔ̀nyà-ìrɔ́ nyɛ̀ŋɛ̀ ŋa#á ní Ɔ̀ɖáyé ɖá ɛkpa#á wá#á.