Popular Bible Verses from Mateo 28

Share

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo, nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Alino mungeli anena anaci yaya ati, “Mutoopa, pano manyile vino mukulonda Yesu, wino watanyilwe pa lupanda. Asimo muno, watazyukuka wakwe vino wavwanzile. Izini mulole pano wala izi.

Lyene Yesu ayanena ati, “Mutoopa! Yangini mukanene aina yane yaye ku Galile. Kuku akuno yalandola.”

Lino yasimapepo akalamba yakongana na aikolo yumana kapi nga yapela asilika cipendo ca mpiya cikulu. Alino yayanena yati, “Mukalande muti, alondezi yakwe yali iiza iiya icala usiku ala swemo twati tukasula. Mulasi ndi uvwa cii, tulasininkizya kunoli ukuti mwemwe yakaele. Acino mwemo mutakwata nanti masakamiko yamwi.” Caleka asilika yatoola impiya nu kucita vino yasimapepo akalamba yayanenyile, nga ni landwe lii lisalangana monsi mu Ayuda, kufika ni lelo kwene.