Popular Bible Verses from Mat 21

Share

N'aw lara ne la, n'aw ye fɛɛn o fɛɛn daali Ala fɛ, a bena o d'aw ma.»

Yezu y'u jaabi ko: «Tiɲɛ na, ne b'a fɔ aw ye ko n'aw lara ne la, n'aw te sigasiga fewu, ne ye min kɛ torosun na, aw bena se k'o ɲɔgɔn kabakow kɛ. Aw bena dɔ wɛrɛw yɛrɛ kɛ ka tɛmɛ a kan. Hali n'aw y'a fɔ kulu nin ye ko: ‹Wili ka bɔ yan ka taga ben kɔgɔji kɔnɔ,› o bena kɛ.

Jama min tun be taama Yezu ɲafɛ, ani minw tun b'a kɔfɛ, olu bɛɛ tun be pɛrɛnna k'a fɔ ko: «An b'i tɔgɔ tanu Dawuda dencɛ! E min be nana Matigi tɔgɔ la, Ala ka barika don i la. Ala tɔgɔ ka tanu arijana na.»

O kɔ, a y'a fɔ u ye ko a fɔra Ala ka kuma na ko: «Ne ka soo bena kɛ daalilikɛyɔrɔ ye. Nga aw kɔni y'a kɛ soonw ka yɔrɔ ye.»

A tun ko: «Aw y'a fɔ *Siyɔnkaw ye k'u ka masacɛ be nana, a y'a yɛrɛ majigi ka yɛlɛ faliden kan.»

O kɔ, Yezu y'a fɔ u ye ko: «Min fɔra Ala ka kuma na, aw m'o mɛn ka ye wa? Ko: ‹Bonlɔlaw tun banna kabakuru min na, o nana kɛ kabakuru barikaman ye, boon nɔnkɔn ta. O koo bɔra Matigi le fɛ, a kɛra kabako ye an ɲana.› »

Yezu y'a fɔ u ye tugu ko: «Ne b'a fɔ aw ye k'o cogo kelen la, Ala ka masaya bena bɔsi aw la, ka di siya wɛrɛw ma. Olu bena kɛwaliɲuman kɛ. [