Popular Bible Verses from Mat 19

Share

Yezu y'u filɛ k'a fɔ u ye ko: «Adamadenw kɔni te se k'o kɛ, nga Ala be se koo bɛɛ la.»

A kɛra ten, u tena kɛ mɔgɔ fila ye tugu, fɔɔ kelen. Ala ye min jɛn ka kɛ kelen ye, mɔgɔ si kana o faran.»

Yezu y'u jaabi ko: «Aw m'a mɛn Ala ka kuma na, ko Ala ye diɲɛ dan tuma min na, a ye cɛɛ ni muso dan wa? A y'a fɔ fana k'o le kosɔn cɛɛ ben'a faa n'a baa to yen ka nɔrɔ a ka muso la, u fila bɛɛ bena jɛn ka kɛ kelen ye.

Yezu y'a fɔ u ye ko: «Aw ka denmisɛnw to u ka na ne fɛ, aw kana u bali, bari *sankolo masaya ye olu bɔɲɔgɔnw le ta ye.»

Nga ɲamɔgɔ caaman bena kɛ kɔmɔgɔw ye, kɔmɔgɔ caaman bena kɛ ɲamɔgɔw ye.

Ani mɔgɔ o mɔgɔ min y'a ka soo to, walima a balimacɛw, n'a balimamusow, a faa n'a baa, a deenw, an'a ka foro ne kosɔn, o tigi bena o ɲɔgɔn caaman sɔrɔ, ani ka nii banbali sɔrɔ.

Yezu y'a fɔ a ye ko: «N'i b'a fɛ i ka koow bɛɛ ka dafa, taga k'i bololafɛnw feere k'o wari tilan fantanw cɛ, o la, i bena nafolo sɔrɔ sankolo la. O kɔ, na tugu ne kɔ.»

Yezu y'a fɔ a ye ko: «Mun na i be ne ɲininga koɲuman koo? Fɛɛn kelen dama le ka ɲi. N'i b'a fɛ ka nii banbali sɔrɔ, i ka Ala ka sariyaw bato.»

Ne b'a fɔ aw ye tugu ko ɲɔgɔmɛ donko ka nɔgɔ miseli woo fɛ ka tɛmɛ nafolotigi donko kan Ala ka masaya la.»

Ne b'a fɔ aw ye ko ni mɔgɔ o mɔgɔ y'a ka muso furu sa, ni ɲamɔgɔya sababu tɛ, ka dɔ wɛrɛ ta, o tigi ye kakalaya kɛ.»

Yezu y'a fɔ a ka kalandenw ye ko: «Tiɲɛ na, ne b'a fɔ aw ye ko nafolotigi donko ka gwɛlɛ *sankolo masaya la.