Popular Bible Verses from Mat 18

Share

Bari ni mɔgɔ fila walima mɔgɔ saba mana ɲɔgɔn lajɛn yɔrɔ o yɔrɔ ne tɔgɔ la, ne b'u cɛma.»

«Tiɲɛ na, ne b'a fɔ aw ye tugu ko ni mɔgɔ fila bɛnna aw cɛma ka Ala daali fɛɛn o fɛɛn na k'u to dugukolo kan yan, ne Faa min be sankolo la bena o d'u ma.

Yezu ye denmisɛn dɔ wele k'o lɔ u cɛma, k'a fɔ u ye ko: «Tiɲɛ na, n b'a fɔ aw ye ko n'aw m'aw sɔɔn yɛlɛma k'a kɛ i n'a fɔ denmisɛnw ta, aw tena don sankolo masaya la.

O la, mɔgɔ min b'a yɛrɛ majigi ka kɛ i n'a fɔ denmisɛn nin, o tigi bena kɛ mɔgɔbaba ye sankolo masaya la.

Ni mɔgɔ min be denmisɛn nin ɲɔgɔn minɛ ka ɲa ne kosɔn, o tigi be ne le minɛ ka ɲa.

Tiɲɛ na, ne b'a fɔ aw ye ko aw mana fɛɛn o fɛɛn siri dugukolo kan, o bena siri sankolo la. N'aw ye fɛɛn o fɛɛn foni dugukolo kan, o bena foni sankolo la.

O kɔ, Yezu ye nin fɔ k'a la a kan ko: «Ne Faa min be sankolo la, o bena aw kɛ ten, n'aw te sɔn ka yafa aw tɔɲɔgɔn ma aw dusu bɛɛ la.»

«Denmisɛn minw lara ne la, ni mɔgɔ dɔ kɛra sababu ye k'olu dɔ kunna cɛn, sanni a tigi k'o kɛ, ni kabakuru belebeleba tun sirila a kaan na, k'a fili kɔgɔji kɔnɔ, o tun ka fisa a ma.

Aw ka miiri la, ni saga kɛmɛ be mɔgɔ dɔ fɛ, ni olu dɔ tununa, sagatigi nin tena saga bi kɔnɔntɔn ni kɔnɔntɔn to kulu kan ka taga kelen nin yaala wa?