Popular Bible Verses from Ebu 4

Share

Ala ka kuma ɲanaman lo, fanga b'a la. A ka fari ni muru faan fila dadiman ye. A be don mɔgɔ dusu la fɔɔ ka nii faran ka bɔ adamadenya la, ani ka kolo ni sɛnmɛ bɔ ɲɔgɔn na. A be mɔgɔ ka miiri, n'a kɔnɔnako bɛɛ sɛgɛsɛgɛ k'u lɔn.

O tuma na sa, an k'an jigi la a kan, ka gwɛrɛ a ka masasigilan yɔrɔ la ni hakilisigi ye, a ka nɛɛma kosɔn janko a ka makari an na, ka nɛɛma kɛ an ye, k'an dɛmɛ an dɛsɛ tuma na.

Bari, see b'an ka sarakalasebagaw kuntigiba nin ye k'an faamu an ka dɛsɛyɔrɔ la. A ye kɔrɔbɔli sifa bɛɛ sɔrɔ i n'a fɔ anw, nga a ma hakɛ kɛ.

O danfɛn te yen Ala ɲaa te min ye. U bɛɛ b'a ɲakɔrɔ, u si dogonin te a ma. An bena an ka koow bɛɛ ɲafɔ ale lo ye.

Ayiwa, sarakalasebagaw kuntigiba ɲanaman b'an fɛ minkɛ, n'o ye Ala Dencɛ Yezu ye, ale ye sankolo cɛtigɛ ka se Ala fɛ. O la, an jigi be min kan, an k'a to o kan.

An ka jija o tuma na ka don o lafiɲɛyɔrɔ nin na. An k'an yɛrɛ minɛ waasa mɔgɔ si kana dɛsɛ o yɔrɔ donko la i n'a fo minw ma sɔn ka mɛnikɛ.