Popular Bible Verses from Bɔk 8

Share

Nga o loon na, ne bena Gosɛn mara niin bɔ, ne ka mɔgɔw siginin be yɔrɔ min na. Limɔgɔ si tena sɔrɔ Gosɛn, janko a k'a lɔn ko ne, Masaba be jamana kɔnɔ. Ko ne bena faranfasili kɛ a ka mɔgɔw ni ne ka mɔgɔw cɛ. K'o taamasiɲɛ kabakoman nin bena kɛ sini le.»

Masaba y'a fɔ Musa ye ko: «A fɔ Arɔn ye ko a k'a ka bere kɔrɔta bajiw ni kɔɔw ni wolonkotow sanfɛ janko tɔrisenjanw ka don Ezipiti jamana kɔnɔ.»

Lɔnnikɛlaw y'a fɔ Ezipiti masacɛ ye ko: «Nin ye Ala ka baara nɔɔ ye dɛ!» O bɛɛ n'a ta, ka kɛɲɛ ni Masaba ka kuma fɔnin ye, masacɛ dusu gwɛlɛyanin tora, a ma sɔn ka mɛnni kɛ Musa ni Arɔn fɛ.

Arɔn y'a bolo wili Ezipiti jiyɔrɔw sanfɛ. Tɔrisenjanw bɔra ka don Ezipiti jamana bɛɛ kɔnɔ.

Masaba y'a fɔ Musa ye ko: «Wili sɔgɔma joona, ka taga Ezipiti masacɛ kunbɛn, a bɔtɔ bada la, k'a fɔ a ye ko ne Masaba ko a k'a to ne ka jama ka taga n bato.

Masacɛ ko: «Ne ben'a to aw ka taga saraka bɔ Masaba aw ka Ala ye kongokolon kɔnɔ. Nga aw kana taga yɔrɔjan. I ka Ala daali ne ye.»