Popular Bible Verses from Bɔk 7

Share

Masaba y'a fɔ Musa ye ko: «A filɛ, ne b'i kɛ i n'a fɔ Ala, Ezipiti masacɛ ɲana. I kɔrɔcɛ Arɔn bena kɛ i ka kira ye.

Nga ne bena masacɛ dusu gwɛlɛya. Ne bena taamasiɲɛ ni kabako caaman kɛ Ezipiti jamana na, nga masacɛ tena sɔn k'aw lamɛn fewu. Ne bena n bolo la Ezipiti kan. Ne bena bɔ ni n ka jama ye, n ka mɔgɔw, Isirayɛlidenw fanga na, u be bɔ Ezipiti jamana na.

Ni ne ye ne bolo la Ezipiti kan loon min na ka Isirayɛlidenw bɔ u cɛma, o tuma na, Ezipitikaw ben'a lɔn ko ne le ye Masaba ye.»

Masacɛ fana y'a ka lɔnnikɛlaw ni subagaw wele. Ezipiti lɔnnikɛla nunu y'o ɲɔgɔn kɛ n'u ka lɔnniya ye. U kelen kelen bɛɛ y'u ka berew fili duguma, u yɛlɛmana ka kɛ saaw ye. Nga Arɔn ka bere ye olu taw kunun.

O la, ko i ben'a lɔn ko ale ye Masaba ye cogo min na, o filɛ: bere min be ne bolo, ne bena Nili baji gosi n'o ye, jii bena yɛlɛma ka kɛ joli ye.

«Ni Ezipiti masacɛ y'a fɔ aw ye ko aw ka kabako dɔ kɛ, i k'a fɔ Arɔn ye ko a k'a ka bere fili duguma masacɛ ɲakɔrɔ, k'o bena yɛlɛma ka kɛ saa ye.» O la, Musa ni Arɔn tagara masacɛ fɛ. Masaba tun ye min fɔ, u y'o kɛ. Arɔn y'a ka bere fili duguma masacɛ n'a ka mɔgɔbabaw ɲana, bere nin yɛlɛmana ka kɛ saa ye.